وزیراعلیٰ علی امین گنڈاپور سے کرم کے معاملے پر قائم گرینڈ جرگے کے ممبران کی ملاقات

وزیر اعلیٰ کی ملاقات

پشاور (ڈیلی پاکستان آن لائن) وزیر اعلیٰ علی امین گنڈاپور سے کرم کے معاملے پر قائم گرینڈ جرگے کے ممبران نے ملاقات کی ہے، مشیر برائے اطلاعات بیرسٹر سیف بھی اس موقع پر موجود تھے۔

یہ بھی پڑھیں: حج درخواستوں کی وصولی میں 10 دسمبر تک توسیع کردی گئی

کرم کے مسئلے کا حل

ملاقات میں کرم کے مسئلے کے حل کے لئے باضابطہ مذاکرات کے آغاز اور دیگر معاملات پر تبادلہ خیال ہوا۔ جرگے نے معاملے کے پرامن حل کی ہر ممکن کوششیں اور صوبائی حکومت کو ہر مکمل تعاون کی یقین دہانی کروائی۔

یہ بھی پڑھیں: ڈاک دھیان سے پڑھیں، کام دفتری بابوؤں پر مت چھوڑ دیں، سیکھیں، سمجھیں اور فیصلہ کریں، یاد رکھیں وہ شخص کسی سے کام نہیں لے سکتا جسے خود کام نہ آتا ہو

جرگہ اراکین کی سپورٹ

اس موقع پر علی امین گنڈاپور نے کہا ہے کہ جرگہ اراکین کو علاقے میں جا کر مذاکرات کے لئے تمام سہولیات اور سپورٹ فراہم کریں گے۔ امید ہے کہ گرینڈ جرگے کے ذریعے کرم کے معاملے کا پرامن اور پائیدار حل نکل آئے گا۔

اہم شخصیات کی موجودگی

ملاقات کے دوران سابق وفاقی وزیر پیر نورالحق قادری، سابق سینیٹر صالح شاہ، سابق سینیٹر سجاد خان بھی موجود تھے جبکہ سابق وفاقی وزیر گلاب جمال، سابق گورنر کے پی انجینئر شوکت اللہ، سینیٹر عبدالرزاق اور دیگر بھی شامل تھے۔