نشے کی حالت میں اسلحہ رکھنے کا کیس، جوبائیڈن نے اپنے بیٹے کو صدارتی معافی دیدی

امریکی صدر کی صدارتی معافی

واشنگٹن (ڈیلی پاکستان آن لائن) امریکی صدر جوبائیڈن نے نشے کی حالت میں اسلحہ خریدنے کے کیس اور ٹیکس فراڈ کے مجرم قرار دیئے گئے اپنے بیٹے ہنٹر بائیڈن کو صدارتی معافی دینے کا اعلان کر دیا۔

یہ بھی پڑھیں: پاکستانی خاتون نے چین کے پرسکون دیہی علاقے میں کیوں رہائش اختیار کر لی؟ وجہ جان کر آپ بھی حیران رہ جائیں

ہنٹر بائیڈن کے خلاف الزامات

غیر ملکی میڈیا کے مطابق، ولمنگٹن کی عدالت نے رواں سال جون میں ہنٹر بائیڈن کے خلاف 2018 میں نشے کی حالت میں اسلحہ خریدنے اور اس سے متعلق غلط بیانی کرنے کے تینوں الزامات درست قرار دیے تھے۔ مزید برآں، ہنٹر بائیڈن پر ایک اور الزام ٹیکس فراڈ اور ریٹرن فائل نہ کرنے سے متعلق بھی تھا جس میں انہوں نے اعتراف جرم کیا تھا۔ ہنٹر بائیڈن پر کل 9 الزامات عائد تھے، اور انہوں نے تمام الزامات میں جرم کا اعتراف کر لیا۔

یہ بھی پڑھیں: اگر آپ اپنا ایئر بیس نہیں بچا سکتے تو عوام کو کیسے بچائیں گے؟ ہندوستانی چینل کی اپنی حکومت سے سوال

عدالتی کارروائی اور سزا کی ممکنہ شدت

اعتراف جرم کے بعد، جج نے ہنٹر بائیڈن کو خبردار کیا کہ انہیں 17 سال قید اور 4 لاکھ 50 ہزار ڈالر تک جرمانے کا سامنا کرنا پڑ سکتا ہے۔

جوبائیڈن کی مداخلت

واضح رہے کہ ان مقدمات میں حتمی سزا کا اعلان رواں ماہ (دسمبر) میں ہونا تھا، مگر جوبائیڈن نے اس سے قبل ہی اپنے بیٹے کو معاف کر دیا۔