گیانامیں فٹ بال میچ کے دوران ریفری کا متنازع فیصلہ، سٹیڈیم میدان جنگ بن گیا، 100 افراد ہلاک، عینی شاہدین کا موقف بھی آگیا

مغربی افریقہ میں فٹبال میچ کی تباہی

جارج ٹاؤن (آئی این پی) مغربی افریقی ملک گیانا میں فٹبال میچ کے دوران تماشائیوں کے درمیان تصادم کے نتیجے میں 100 سے زائد افراد ہلاک ہو گئے۔

یہ بھی پڑھیں: اداکارہ نرگس پر شوہر کا مبینہ بدترین تشدد، افسوسناک انکشاف

حادثے کی تفصیلات

غیر ملکی خبررساں ادارے کے مطابق، یہ واقعہ گیانا کے دوسرے بڑے شہر انزیریکوری میں پیش آیا۔ اسپتال کے ایک ڈاکٹر نے بتایا کہ جہاں تک آنکھ دیکھ سکتی ہے، لاشیں ہی لاشیں پڑی ہیں، جبکہ کچھ لاشیں ہال میں بھی موجود ہیں۔ مردہ خانہ بھی لاشوں سے بھر چکا ہے۔

یہ بھی پڑھیں: پنوعاقل: چور 200تولے سونا، ایک کلو چاندی، لاکھوں کی نقدی، پرائز بانڈز سے بھری تجوری لے اڑے

لاشوں کی حالت

ڈاکٹر نے مزید بتایا کہ تقریباً 100 لاشیں اسپتال اور مردہ خانے میں موجود ہیں، جبکہ دوسرے ڈاکٹر نے بتایا کہ درجنوں لاشیں اسپتال لائی گئیں۔ رپورٹ کے مطابق، سوشل میڈیا پر جھگڑے سے متعلق وائرل ویڈیوز کی تصدیق نہیں ہو سکی، لیکن ان میں اسٹیڈیم کے اطراف اور اندر لاشیں دیکھی جا سکتی ہیں۔

یہ بھی پڑھیں: بشار الاسد کی حکومت کا خاتمہ: شام کے مختلف علاقوں میں کن کی حکمرانی ہے؟

مظاہرین کا ردعمل

مقامی ذرائع کے مطابق، مشتعل مظاہرین نے انزیریکوری کے پولیس اسٹیشن کو بھی آگ لگا دی۔

عینی شاہد کا بیان

ایک عینی شاہد نے غیر ملکی خبر ایجنسی کو بتایا کہ یہ سب اس وقت شروع ہوا جب میچ کے دوران ریفری نے متنازع فیصلہ دیا۔ ریفری کے فیصلے کے بعد تماشائی گراؤنڈ میں کود پڑے اور پھر جھگڑا شروع ہو گیا۔