افواج پاکستان کے خلاف پراپیگنڈا مہم کے لیے ایک ملین پاونڈ مختص، بھارتی سفارت خانے میں خصوصی سیل قائم، دوسرا کون سا ملک ملوث ہے؟ معروف صحافی نام لینے سے بھی کترانے لگے۔

سوشل میڈیا پر پراپیگنڈا مہم

لندن (ویب ڈیسک) سینئر صحافی اظہر جاوید نے انکشاف کیا ہے کہ پاکستان اور اس کی مسلح افواج کیخلاف سوشل میڈیا پر پراپیگنڈا مہم چل رہی ہے۔ اس مہم کے لیے ایک ملین پائونڈ (35،4،082،600 پاکستانی روپے) رقم مختص کی گئی ہے۔ اس سلسلے میں برطانیہ میں بھارتی ایمبیسی میں خصوصی سیل بھی قائم کیا گیا ہے۔ اظہر جاوید نے ایک اور ملک کی ملوث ہونے کی جانب اشارہ کیا، تاہم اس کا نام لینے سے گریز کیا۔

یہ بھی پڑھیں: سندھ میں محکمہ اینٹی کرپشن کی ری سٹرکچرنگ پر کام شروع ، شکایات کیسے رپورٹ ہونگی ۔۔؟ جانیے

پراپیگنڈا کی تفصیلات

اظہر جاوید نے ایک پروگرام میں گفتگو کرتے ہوئے کہا کہ "جو سازش اس وقت چل رہی ہے پاکستان کے خلاف اور افواج پاکستان کے خلاف اس کے لیے ایک ملین پاونڈ مختص کیا گیا ہے۔ یہ کمپین سوشل میڈیا پر چل رہی ہے۔ برطانیہ میں کچھ لابنگ کمپنیز کی خدمات لی گئی ہیں، اور اس میں مختلف ممالک ملوث ہیں۔ انڈیا کی ایمبیسی جو ہالبرن میں ہے، وہاں پر خصوصی سیل بنایا گیا ہے جہاں اس کی نگرانی ہورہی ہے"۔

یہ بھی پڑھیں: ایکس اکاؤنٹ یا پارٹی قیادت: عمران خان کی حقیقی نمائندگی کون کر رہا ہے؟

برطانوی حکومت کی خاموشی

اظہر جاوید نے مزید کہا کہ "دوسری سب سے بڑی بات یہ ہے کہ برطانوی حکومت کے اندر بھی ایک بہت بڑا حلقہ ہے جو اس مہم کی حمایت کر رہا ہے۔ حالیہ دنوں میں کچھ ٹویٹس بھی دیکھے گئے ہیں لیکن خوفناک یہ ہے کہ حکومت پاکستان اس کے ردعمل میں کچھ نہیں کر رہی"۔

یہ بھی پڑھیں: محمود غزنوی کی طرح حملے کرتے رہیں گے، علی امین گنڈا پور کا بیان

فنڈنگ اور سوشل میڈیا کا استعمال

مختص کی گئی رقم سے مختلف پلیٹ فارمز پر ویڈیوز اور دیگر مواد کو پروموٹ کیا جائے گا۔ ذرائع بتاتے ہیں کہ پاکستان کے خلاف جو معاملات چل رہے ہیں، سوشل میڈیا کمپنیوں کے ذریعے مظاہرے تیز کیے جائیں گے، خاص طور پر اسلام آباد میں حالیہ ہونے والے واقعات کو استعمال کرکے ایک بڑی سازش رچائی جا رہی ہے۔

یہ بھی پڑھیں: آئی ایم ایف وفد پاکستان پہنچ گیا، معاشی اہداف سے متعلق بریفنگ

امریکا کی فنڈنگ اور مشتبہ سرگرمیاں

اظہر جاوید نے مزید بتایا کہ "امریکا سے پیسے جنریٹ ہوئے ہیں، وہاں فنڈنگ ہوئی ہے، کچھ لوگ مختلف لابنگ فارمز کو بھی ہائر کر رہے ہیں۔ انڈیا کے مختلف شہروں سے یہ رونما کیا جارہا ہے اور فنڈنگ کی گئی رقم براہ راست ان لوگوں کو منتقل کی جارہی ہے، یہ سب کچھ عام پاکستانی اور اوورسیز پاکستانیوں کی برین واشنگ کے لیے کیا جا رہا ہے"۔

یہ بھی پڑھیں: صحافی مطیع اللہ جان کس جرم میں گرفتار کیا گیا؟ اسلام آباد پولیس کا بیان سامنے آگیا

برطانوی حکومت کی کارروائیاں

ان کا مزید کہنا تھا کہ "برطانیہ کے جو وزیر ہیں، وہ فسادات والے واقعات کو دیکھ رہے ہیں جبکہ سوشل میڈیا پر جھوٹی خبریں پھیلائی جا رہی ہیں، لیکن اس پر برطانوی حکومت کچھ نہیں کر رہی بلکہ دوسرے طریقوں سے اس کی حمایت جاری ہے"۔

یہ بھی پڑھیں: تحریک انصاف کی ‘فائنل کال’: کیا یہ بشری بی بی کی سیاسی شروعات ہیں یا عمران خان کی کمی کو پورا کرنے کی کوشش؟

پاکستانی حکومت کی ذمہ داریاں

ایک سوال کے جواب میں انہوں نے کہا کہ "اگر لاہور سے خارج ہونے والی ایک جعلی خبر کی وجہ سے برطانوی حکومت نے گرفتاری کی تو پاکستانی حکومت یا پاکستانی ہائی کمیشن کیوں کاروائی نہیں کر سکتا؟"۔

یہ بھی پڑھیں: بشریٰ بی بی احتجاج چھوڑ کرکیوں بھاگیں ، واپس خیبر پختونخوا جانے کا فیصلہ کیوں کیا؟

ثبوتوں کے حوالے سے وضاحت

شواہد اور ثبوتوں سے متعلق ایک سوال کے جواب میں اظہر جاوید نے کہا کہ "میں وقت آنے پر ثبوتوں کا جواب دوں گا، میرے پاس وہ لوگ ہیں جو اس سب کچھ کے کرکے اس میں مہارت رکھتے ہیں"۔

ہائی کمیشن کی ذمہ داری

ہائی کمیشن سے متعلق سوال کے جواب میں اظہر جاوید نے موقف اپنایا کہ "ہائی کمیشن کو کارروائی کرنی چاہیے۔ اگر سوشل میڈیا پر جھوٹی پوسٹ کی وجہ سے کسی کو لاہور میں گرفتار کیا جا سکتا ہے تو اسلام آباد میں ہونے والے مظاہروں کے خلاف بھی کارروائی ہونی چاہیے"۔