شادی سے قبل ایمن کو چھوٹی ’بہن‘ کے طور پر دیکھتا تھا، اداکار منیب بٹ

منیب بٹ کا انکشاف

اسلام آباد(ڈیلی پاکستان آن لائن) اداکار منیب بٹ نے انکشاف کیا ہے کہ شادی سے قبل وہ اپنی اہلیہ ایمن خان کو خود سے کم عمر ہونے کی وجہ سے چھوٹی بہن کے طور پر دیکھتے تھے۔

یہ بھی پڑھیں: پاکستان کی بھارت کے خلاف جوابی کارروائی کے بعد انڈونیشیا کا 8.1 ارب ڈالر کا رافیل معاہدہ خطرے میں پڑ گیا

شادی کے بعد کی تبدیلیاں

نجی چینل کے پروگرام میں بات کرتے ہوئے انہوں نے بتایا کہ نہ صرف والد بننے بلکہ شادی ہوجانے کے بعد ہی انسان میں بڑی تبدیلیاں آجاتی ہیں۔ شادی کے بعد انسان سمجھدار ہوجاتا ہے۔ ان کا کہنا تھا کہ شادی سے قبل ہر وقت انسان دوستوں یا دوسرے کاموں میں مصروف رہتا ہے لیکن شادی کے بعد ایسا نہیں ہوتا اور نہ ہی بیوی ایسا کرنے دیتی ہے۔

یہ بھی پڑھیں: مقبوضہ کشمیر پر بھارتی فوج کے غیر قانونی قبضے کیخلاف کشمیری کل یوم سیاہ منائیں گے

ایمن خان کے بارے میں

انہوں نے بتایا کہ اب اگر انہیں گھر جانے میں دیر ہوجائے تو ایمن خان 10 منٹ میں انہیں 25 مس فون کالز دیں گی، جس پر انہیں فوری گھر پہنچنا ہوتا ہے۔ منیب بٹ کے مطابق اتنے کم وقت میں اتنی زیادہ فون کالز آنے کے بعد جب بندہ گھر پہنچتا ہے تو اسے پتا چلتا ہے کہ کچھ بھی نہیں ہوا تھا، انہیں بس گھر بلانا تھا۔

یہ بھی پڑھیں: ہرنائی میں شہید ہونیوالے پاک فوج کے 2 جوانوں کے بارے میں اضافی معلومات سامنے آگئیں

تعلقات کے بارے میں نظریہ

اداکار نے ایک اور سوال کے جواب میں بتایا کہ وہ ’گرل اور بوائے فرینڈ‘ جیسے تعلقات پر یقین نہیں رکھتے۔ ان کا خیال ہے کہ پسند آجانے کے بعد فوری شادی کرلینی چاہیے۔ اداکار کا کہنا تھا کہ انہوں نے بھی ایسے ہی کیا، جب انہوں نے اور ایمن خان نے ایک دوسرے کو پسند کرلیا تو فوری طور پر گھر والوں کو بتادیا اور چند ماہ میں ہی ان کی منگنی ہوگئی۔ منیب بٹ کے مطابق ان کی منگنی 2017 کے آغاز میں ہوئی تھی اور 2018 میں انہوں نے شادی کرلی۔

یہ بھی پڑھیں: بیمار خاتون سے جعلی پیر کی نازیبا حرکات، گرفتار کرلیا گیا

عمر کا فرق

اداکار نے بتایا کہ ان کی اور اہلیہ کی عمر میں 6 سال کا فرق ہے، وہ بیوی سے 6 سال زائد العمر ہیں لیکن ایسا لگتا ہے کہ ان کی اہلیہ سے عمر میں بڑی ہیں۔ انہوں نے ایمن خان کی تعریفیں کرتے ہوئے کہا کہ وہ کم عمر ہونے کے باوجود ان سے زیادہ سمجھدار ہیں، اس لیے وہ ان سے بڑی لگتی ہیں۔

یہ بھی پڑھیں: منہ پر چاند ماریں گے اور ساتھ بیٹھ کر، سامنے مرغ بنا کے، دل کی باتیں گانے کی زبردست پیروڈی

پہلی ملاقات

منیب بٹ نے ایمن خان سے ملنے اور پیار کی کہانی بتاتے ہوئے کہا کہ پہلی بار انہوں نے اداکارہ کو ایک ڈراما سیٹ پر دیکھا تھا، اس وقت ایمن خان کی عمر 14 برس تھی جب کہ وہ 19 سال کے تھے۔ ان کا کہنا تھا کہ وہ اس وقت یونیورسٹی تعلیم کے آخری سال میں تھے جب کہ ایمن خان اسکول میں پڑھتی تھیں، اس لیے وہ انہیں چھوٹی بہن کے طور پر ہی دیکھتے تھے۔

یہ بھی پڑھیں: اکثریتی فیصلے پر عملدرآمد ضروری نہیں، مخصوص نشستوں کے فیصلے میں چیف جسٹس کا اختلافی نوٹ

دوسری ملاقات

منیب نے بتایا کہ بعد ازاں وہ کچھ عرصے بعد دوبارہ ڈرامے کے سیٹ پر ملے، اس وقت ایمن خان کی عمر 16 برس ہوچکی تھی، تب ان میں اور ایمن خان میں دوسرا سلسلہ شروع ہوا۔ ان کا کہنا تھا کہ بعد میں ایمن اور ان کے درمیان ملاقاتیں ہونے کے بعد جب دونوں نے ایک دوسرے سے اظہار محبت کیا تو دونوں نے شادی کا فیصلہ کرلیا۔

محبت کی ابتدا

منیب بٹ نے دعویٰ کیا کہ محبت کا آغاز مذاق میں ایمن خان نے شروع کیا تھا لیکن انہوں نے ان کے مذاق کو سنجیدہ لے لیا اور پھر ان میں محبت ہوئی اور دونوں نے جلد شادی کرلی۔