پنجاب انفورسمنٹ اینڈ ریگولیٹری اتھارٹی کا پہلا اجلاس، وزیر اعلیٰ کا میرٹ یقینی بنانے کا حکم

اجلاس کا مقصد

لاہور (ڈیلی پاکستان آن لائن) مہنگائی اور تجاوزات کا خاتمہ کرنے کے لیے وزیر اعلیٰ مریم نواز کی زیر صدارت پنجاب انفورسمنٹ اینڈ ریگولیٹری اتھارٹی کا پہلا باضابطہ اجلاس ہوا۔

یہ بھی پڑھیں: امریکی صدر ٹرمپ 18 ستمبر کو پاکستان کا دورہ کریں گے

اہم فیصلے

اجلاس میں پیرا دفاتر کے قیام، تعیناتی، قواعد وضوابط اور دیگر امور کی منظوری دی گئی۔ وزیراعلیٰ مریم نواز نے پیرا میں تعیناتیوں اور ہائرنگ کے لیے شفافیت اور میرٹ یقینی بنانے کا حکم دیا۔ انہوں نے پنجاب انفورسمنٹ اینڈ ریگولیٹری اتھارٹی میں مانیٹرنگ کے مؤثر نظام وضع کرنے کی ہدایت کی۔

یہ بھی پڑھیں: حکومت کو ڈاکٹر عافیہ کی رہائی کی استدعا سے آخر کیا نقصان ہے؟، اسلام آباد ہائی کورٹ

کمیٹیوں کا قیام

اجلاس میں پیرا سے متعلق 4 کمیٹیوں کے قیام کی منظوری دی گئی، جن میں ایڈمنسٹریشن لا جسٹک کمیٹی، فنانس کمیٹی، لیگل کمیٹی اور ٹیکینکل کمیٹی شامل ہیں۔ وزیراعلیٰ مریم نواز نے پیرا کو 3 ماہ میں فنکشنل کرنے کا ٹارگٹ مقرر کر دیا۔ اجلاس میں پنجاب انفورسمنٹ اینڈ ریگولیٹری اتھارٹی کے ہیڈ کوارٹرز، ڈویژن، ڈسٹرکٹ اور تحصیلوں کے لیے اسامیوں کی منظوری دی گئی۔

یہ بھی پڑھیں: اس سوال کا جواب میں عدالت سے باہر جا کر دوں گا، سلمان اکرم کا جسٹس مندوخیل کے ریمارکس پر بیان

عملے کی تعیناتی

ہر تحصیل میں سب ڈویژنل انفورسٹمنٹ آفیسر، انویسٹی گیشن آفیسر، سینئر سارجنٹ اور سارجنٹ تعینات کیے جائیں گے۔

یہ بھی پڑھیں: ہماری حکومت میں امن و امان کی صورتحال بہتر ہوئی: علی امین گنڈا پور

پالیسی اور منصوبے

اجلاس میں پیرا سٹاف کے ٹرانسفر اور ڈیپوٹیشن پالیسی کی منظوری بھی دی گئی۔ انفورسمنٹ سٹیشن پر اپیل کے لیے ہیئرنگ آفیسر مقرر کرنے کی منظوری دی گئی۔ اس کے علاوہ، پرکیورمنٹ پلان اور ڈی جی پیرا کے اختیارات کے تعین، پیرا کی گاڑیوں، یونیفارم، کیپ کے کلر اور برانڈنگ کی منظوری دی گئی۔