آئینی بنچ نے پاکستانیوں کے غیرملکی بینک اکاؤنٹس سے متعلق ازخودنوٹس کیس نمٹا دیا

سپریم کورٹ کا فیصلہ

اسلام آباد(ڈیلی پاکستان آن لائن) سپریم کورٹ کے آئینی بنچ نے پاکستانیوں کے غیر ملکی بینک اکاؤنٹس سے متعلق ازخودنوٹس کیس نمٹا دیا۔

یہ بھی پڑھیں: گورنمنٹ کالج لاہور میں زیر تعلیم تھا،ہوسٹل میں رہنے کے اخراجات والد صاحب بھیجتے،یوتھ موومنٹ کو آگے بڑھانا کٹھن اور صبر آزما کام تھا

عدالتی استفسار

نجی ٹی وی سما نیوز کے مطابق جسٹس جمال مندوخیل نے استفسار کیا کہ کیا فارن اکاؤنٹس کی نشاندہی ہو گئی تھی؟ جسٹس امین الدین نے کہا کہ نشاندہی کے بعد ریکوری حکومتی محکموں نے کرنی ہے۔

یہ بھی پڑھیں: قرآن میرے سرہانے رہتا ہے، روحانی سکون کا ذریعہ ہے: ہالی ووڈ اداکار کا انکشاف

ریکوری کی پیش رفت

وکیل حافظ احسان نے بتایا کہ ایف بی آر کی رپورٹ پیش کردی گئی ہے۔ وکیل ایف بی آر نے بتایا کہ اب تک 880 ملین کی ریکوری کی جا چکی ہے، اور باقی مقدمات میں بھی ریکوری کی کارروائی جاری ہے۔

یہ بھی پڑھیں: ایرانی حکومت کا تہران میں میٹرو سٹیشنز کو پناہ گاہوں کے طور پر کھولنے کا فیصلہ

عدالت کی ہدایات

جسٹس جمال نے کہا کہ اگر ایف بی آر کو ریکوری میں مشکل ہے تو پارلیمنٹ کوئی ترمیم تجویز کرے۔ جسٹس حسن اظہر نے سوال کیا کہ جن سے ریکوریاں ہوئیں کیا ان کیسز میں میرٹ پر فیصلے ہوئے؟ وکیل ایف بی آر نے جواب دیا کہ میرٹ پر ریکوریوں کے کیسز کے فیصلے ہوئے۔

یونی سیکرٹری کے خلاف استدعا

جسٹس جمال نے یاد دلایا کہ غیر ملکی اکاؤنٹس کیس میں عدالت سے یواین سیکرٹری کے خلاف استدعا کی گئی، تو کیا ایسی استدعا سپریم کورٹ سے کی جا سکتی ہے؟ جسٹس امین الدین خان کی سربراہی میں 6 رکنی آئینی بنچ نے سماعت کی۔