آئینی بنچ نے پاکستانیوں کے غیرملکی بینک اکاؤنٹس سے متعلق ازخودنوٹس کیس نمٹا دیا

سپریم کورٹ کا فیصلہ

اسلام آباد(ڈیلی پاکستان آن لائن) سپریم کورٹ کے آئینی بنچ نے پاکستانیوں کے غیر ملکی بینک اکاؤنٹس سے متعلق ازخودنوٹس کیس نمٹا دیا۔

یہ بھی پڑھیں: آئین و قانون سے ہی ملکی مسائل حل اور ناانصافیوں کو ختم کرنا ہوگا، شاہد خاقان عباسی

عدالتی استفسار

نجی ٹی وی سما نیوز کے مطابق جسٹس جمال مندوخیل نے استفسار کیا کہ کیا فارن اکاؤنٹس کی نشاندہی ہو گئی تھی؟ جسٹس امین الدین نے کہا کہ نشاندہی کے بعد ریکوری حکومتی محکموں نے کرنی ہے۔

یہ بھی پڑھیں: ماضی میں ٹوتھ برش بیچنے والا، اب 13 ہزار کروڑ کا مالک: کیا شاہ رخ سے بھی امیر ہے؟

ریکوری کی پیش رفت

وکیل حافظ احسان نے بتایا کہ ایف بی آر کی رپورٹ پیش کردی گئی ہے۔ وکیل ایف بی آر نے بتایا کہ اب تک 880 ملین کی ریکوری کی جا چکی ہے، اور باقی مقدمات میں بھی ریکوری کی کارروائی جاری ہے۔

یہ بھی پڑھیں: ملتان والو تیار ہو جاؤ! پاک ویلز کار میلہ اب آپ کے شہر میں

عدالت کی ہدایات

جسٹس جمال نے کہا کہ اگر ایف بی آر کو ریکوری میں مشکل ہے تو پارلیمنٹ کوئی ترمیم تجویز کرے۔ جسٹس حسن اظہر نے سوال کیا کہ جن سے ریکوریاں ہوئیں کیا ان کیسز میں میرٹ پر فیصلے ہوئے؟ وکیل ایف بی آر نے جواب دیا کہ میرٹ پر ریکوریوں کے کیسز کے فیصلے ہوئے۔

یونی سیکرٹری کے خلاف استدعا

جسٹس جمال نے یاد دلایا کہ غیر ملکی اکاؤنٹس کیس میں عدالت سے یواین سیکرٹری کے خلاف استدعا کی گئی، تو کیا ایسی استدعا سپریم کورٹ سے کی جا سکتی ہے؟ جسٹس امین الدین خان کی سربراہی میں 6 رکنی آئینی بنچ نے سماعت کی۔