تحریک انصاف پاکستان کو بدنام کرنے کی عالمی سازش کا حصہ ہے: شرجیل میمن

شرجیل میمن کا پی ٹی آئی پر الزام

کراچی (ڈیلی پاکستان آن لائن) وزیر اطلاعات سندھ شرجیل میمن نے کہا ہے کہ تحریک انصاف پاکستان کو بدنام کرنے کی عالمی سازش کا حصہ ہے۔

یہ بھی پڑھیں: تحریک انصاف کے اہم رہنما کو جیل سے رہائی کے بعد پھر گرفتار کر لیا گیا

پی ٹی آئی کا مقصد ملک میں انارکی پھیلانا

کراچی میں نیب کورٹ میں پیشی کے موقع پر میڈیا سے گفتگو کرتے ہوئے شرجیل میمن کا کہنا تھا کہ پی ٹی آئی ملک میں انارکی چاہتی ہے، ان کی دشمنی کسی ادارے یا سیاسی جماعت سے نہیں، بلکہ پاکستان سے ہے۔ یہ انٹرنیشنل لابیز کے ذریعے مہم چلا رہے ہیں۔

یہ بھی پڑھیں: ایم ڈی کیٹ ٹیسٹ آج، امتحانی مراکز کے اطراف میں دفعہ 144 نافذ

پی ٹی آئی کی کوششیں ناکام ہوں گی

انہوں نے کہا کہ پی ٹی آئی پاکستان کو بدنام کرنے کی عالمی سازش کا حصہ ہے، اور ان کی کوشش کامیاب نہیں ہوگی۔ پی ٹی آئی نے اسلام آباد میں نعشوں کا جھوٹا بیانیہ بنایا، اور احتجاج کے لئے خیبرپختونخوا حکومت نے سرکاری وسائل کا استعمال کیا۔

یہ بھی پڑھیں: پاکستان انوسٹرز فورم نے اگلے دو سال کیلئے چوہدری شفقت محمود کو صدر اور مہر عبدالخالق لک کو جنرل سیکریٹری کے لئے منتخب کر لیا

جھوٹے پروپیگنڈے کا آغاز

شرجیل میمن نے کہا کہ یہ لوگ جھوٹ کا سارا پراپیگنڈا سوشل میڈیا سے شروع کرتے ہیں، اور یہ پاکستان کو دنیا میں متنازعہ بنانے کی کوشش کرتے ہیں۔

یہ بھی پڑھیں: عوام کام کاج چھوڑ کر جاتے ہیں، نادرا کا رویہ بالکل ٹھیک نہیں: سندھ ہائیکورٹ برہم

پی ٹی آئی رہنماؤں کی فرار

شرجیل میمن نے کہا کہ پی ٹی آئی رہنما صرف بڑھکیں مارتے ہیں، علی امین گنڈاپور اور بشریٰ بی بی سب سے پہلے میدان چھوڑ کر بھاگ گئے۔ گنڈاپور کا بیان ریاست سے بغاوت کا پیغام ہے اور وہ ریاست کے بجائے دہشتگردوں سے لڑیں۔

حکومت کے اقدامات

صوبائی وزیر کا مزید کہنا تھا کہ چیلنجز کے باوجود حکومت عوام سے کئے گئے وعدے پورے کر رہی ہے۔ سندھ میں 10 ہزار افراد کو آئی ٹی کورسز کرائے جا رہے ہیں، اور 21 لاکھ بے گھر افراد کو گھر بنا کر دے رہے ہیں۔ کراچی میں ترقیاتی کام تیزی سے جاری ہیں، جن میں اربوں روپے کے 2 بڑے پراجیکٹس شامل ہیں۔