ویرات کوہلی پاکستان میں کھیلنے کےلیے بے تاب ہیں، شعیب اختر کا دعویٰ

شیعب اختر کا بڑا انکشاف

لاہور(ڈیلی پاکستان آن لائن) پاکستان کرکٹ ٹیم کے سابق فاسٹ بولر شیعب اختر نے دعویٰ کیا ہے کہ بھارتی کرکٹ ٹیم اور وریات کوہلی پاکستان میں کھیلنے کے لیے بے تاب ہیں۔

یہ بھی پڑھیں: ہمارے ملک میں موجودہ عدالتی نظام انگریز حکومت سے ہی مستعار لیا گیاہے، جس کی روح انصاف کرنا اور اس طرح کیا جائے کہ ہوتا نظر آئے

بھارتی ٹیم کی خواہش

ایک پروگرام میں تجزیے کے دوران سابق پاکستانی بولر نے یہ بڑا انکشاف کیا کہ چیمپئنز ٹرافی کے لیے بھارت اور وریات کوہلی پاکستان میں کھیلنے کے لیے بےتاب ہیں مگر ان کی حکومت انھیں یہاں آنے کی اجازت نہیں دے رہی۔ شعیب اختر نے کہا کہ پاکستان سے کہیں زیادہ یہ بھارت کی خواہش ہے کہ وہ یہاں آکر کھیلے۔ میں بھارت میں بی سی سی آئی کے ساتھ کام کرچکا ہوں، اگر بھارتی ٹیم یہاں آکر کھیلے گی تو انھیں ٹی وی رائٹس اور سپانسرشپ کی مد میں بے انتہا کمائی کرنے کا موقع ملے گا۔

یہ بھی پڑھیں: سیکیورٹی فورسز کے خیبرپختونخوا میں دو مختلف آپریشنز، 4 خوارجی ہلاک

بھارتی حکومت کا موقف

محمد حفیظ نے ان سے سوال کیا کہ پھر کیا وجہ ہے کہ بھارتی ٹیم نہیں آرہی، جس پر شعیب اختر کا کہنا تھا کہ ان کی حکومت نہیں چاہتی کہ ان کی کرکٹ ٹیم پاکستان آئے۔ بھارتی حکومت اور بی سی سی آئی کی جانب سے آئندہ سال پاکستان میں شیڈول چیمپئنز ٹرافی 2025 کے لیے ٹیم کو نہ بھیجنے کا فیصلہ کیا گیا ہے جس کی وجہ سے انٹرنیشنل کرکٹ کونسل بھی مشکل میں آگئی ہے جبکہ پاکستان نے بھی دو ٹوک موقف اپنایا ہوا ہے۔

پی سی بی کا ردعمل

پاکستان کرکٹ بورڈ کے چیئرمین محسن نقوی واضح کرچکے ہیں کہ ایسا نہیں ہوسکتا ہے کہ ہم بھارت جا کر کرکٹ کھیلیں اور وہ یہاں کرکٹ کھیلنے نہیں آئیں۔ بھارت کے پاکستان آنے سے انکار کے بعد پی سی بی نے چیمپئنز ٹرافی کے لیے ایک نیا فارمولا پیش کیا ہے جس کے تحت دونوں ٹیمیں تین سال تک آئی سی سی ایونٹس کے میچز نیوٹرز وینیو پر کھیلیں گی، نہ پاکستان ٹیم بھارت جائے گی نہ بھارتی ٹیم پاکستان آئے گی۔