بٹ کوائن کی قیمت میں پہلی مرتبہ ایک لاکھ ڈالر سے تجاوز کر گئی

بٹ کوائن کی تاریخ میں نیا سنگ میل

نیویارک(ڈیلی پاکستان آن لائن) بٹ کوائن کی قیمت میں تاریخ میں پہلی مرتبہ ایک لاکھ ڈالر سے تجاوز کر گئی ہے۔

یہ بھی پڑھیں: پاک بھارت تنازعہ، پاکستان سے ازبکستان منتقل ہوگیا، پاکستانیوں کا پسندیدہ کھیل

پاکستانی روپے میں بٹ کوائن کی قیمت

پاکستانی روپے میں ایک بٹ کوائن کی قیمت دو کروڑ 80 لاکھ روپے سے زائد ہو گئی ہے۔ ڈونلڈ ٹرمپ کے صدر منتخب ہونے کے بعد بٹ کوائن کی قیمت میں تیزی سے اضافہ ہو رہا ہے۔

یہ بھی پڑھیں: بیٹے کی ہاؤسنگ سکیم اور اکاؤ نٹ میں 49ارب روپے کی موجودگی کی افواہوں پر مولانا طارق جمیل کی وضاحت آگئی

سال 2024 میں بٹ کوائن کی قیمت میں اضافہ

اس سال بٹ کوائن کی قدر دوگنا سے بھی زیادہ ہو گئی ہے، اور ٹرمپ کی انتخابی کامیابی کے بعد چار ہفتوں میں اس کی قیمت میں تقریبا 45 فیصد اضافہ ہوا ہے۔

یہ بھی پڑھیں: غیر قانونی طور پر مقیم مزید 4 ہزار سے زائد افغان باشندوں کو واپس بھیج دیا گیا

بٹ کوائن کی ابتدائی تاریخ

بٹ کوائن کو جب 2009 میں متعارف کرایا گیا تو اس وقت اس کی قیمت صفر تھی۔ 26 اکتوبر 2010 کو اس کی قیمت 0.10 ڈالر سے بڑھ کر 0.20 ڈالر ہو گئی، اور سال ختم ہونے سے پہلے یہ 0.30 تک پہنچ گیا تھا۔

یہ بھی پڑھیں: لاہور میں 20کلو آٹے کا تھیلا 200روپے سستا ہو گیا

2011 میں بٹ کوائن کی ترقی

2011 میں بٹ کوائن ایک ڈالر سے بڑھنا شروع ہوا اور 8 جون، 2011 کو 29.60 کی بلند ترین سطح پر پہنچا۔ لیکن اس دوران کرپٹو مارکیٹ میں تیزی سے کساد ہوئی، جس کے نتیجے میں سال کے اختتام پر بٹ کوائن کی قیمت تقریبا 5.2 ڈالر تھی۔

یہ بھی پڑھیں: اسد زمان، ابو بکر، حیدر، اور سلار نے ایچی سن کالج جونیئر ٹینس چیمپئن شپ سیمی فائنل میں جگہ بنا لی

2024 میں بٹ کوائن کی قیمت میں پھر سے اضافہ

2024 کے شروع میں فنڈ کی منظوری کے بعد بٹ کوائن کی قدر تیزی سے بڑھی۔ فروری کے آخر اور مارچ کے اوائل میں بٹ کوائن نے ایک بار پھر ساٹھ ہزار ڈالر کا ہندسہ عبور کیا۔ چھ مارچ کو بٹ کوائن کی قیمت 69210 ڈالر پر پہنچی، جبکہ آٹھ مارچ کو یہ قیمت مزید بڑھتے ہوئے 70184 کی بلند ترین سطح پر پہنچ گئی۔

ٹرمپ کی دوبارہ فتح کے بعد بٹ کوائن کی قیمت

7 نومبر 2024 کو بٹ کوائن کی قدر ڈونلڈ ٹرمپ کے دوبارہ صدر منتخب ہونے کے بعد 76999 ڈالر کی بلند ترین سطح پر پہنچی اور 75820 کی سطح پر بند ہوئی۔ دس نومبر کو بٹ کوائن نے ایک اور سنگ میل عبور کیا، اس دن بٹ کوائن نے 80000 کی حد عبور کر لی۔