محکمہ تعلیمات سندھ نے سلیبس میں 25 فیصد کمی کر دی

تعلیمی سیشن کی تبدیلی کا فیصلہ

کراچی(ڈیلی پاکستان آن لائن)محکمہ تعلیم سندھ نے آئندہ تعلیمی سیشن 2025 یکم اپریل سے شروع کرنے کا فیصلہ کیا ہے۔ اس کے ساتھ موجودہ سیشن کا سلیبس 25 فیصد کم کر دیا گیا ہے۔ رواں سیشن 2024 میں پہلی جماعت سے آٹھویں جماعت کے امتحانات کے علاوہ میٹرک اور انٹرمیڈیٹ کے سالانہ امتحانات بھی صرف 75 فیصد سلیبس سے لینے کا فیصلہ کیا گیا ہے۔

یہ بھی پڑھیں: پاک چین تجارتی کانفرنس، نئی شراکت داریوں کا شاندار آغاز

اجلاس کا انعقاد اور اہم فیصلے

یہ فیصلہ سندھ میں تعلیمی سیشن کی تاریخیں یکم اگست سے یکم اپریل کرنے کے تناظر میں کیا گیا۔ محکمہ تعلیم سندھ کی سٹیئرنگ کمیٹی کی ضمنی کمیٹی میں یہ فیصلہ کیا گیا ہے، جس کے باقاعدہ منٹس (روداد) 5 دسمبر کو نوٹیفائی کر دی گئی ہیں۔

یہ بھی پڑھیں: کرکٹ کھیلتے ہوئے نوجوان دل کا دورہ پڑنے سے چل بسا

اجلاس کی تفصیلات

اجلاس نومبر کے آخری ہفتے میں منعقد ہوا، جس میں مختلف تعلیمی اداروں کے اہم افراد شریک ہوئے۔ ان میں سیکرٹری کالج ایجوکیشن، سیکرٹری یونیورسٹیز اینڈ بورڈز، ڈائریکٹر جنرل انسپیکشن اینڈ رجسٹریشن آف پرائیویٹ انسٹی ٹیوشنز، اور دیگر شامل تھے۔

یہ بھی پڑھیں: پاکستانی اداکار احد رضا میر لندن میں کس لڑکی کے ساتھ گھوم پھر رہے ہیں؟ تصاویر نے ہنگامہ برپا کر دیا

سلیبس کی کمی کے اقدامات

جاری کئے گئے منٹس میں کہا گیا ہے کہ اکیڈمک سیشن کے آغاز میں تبدیلی کے سبب تمام کلاسز کے سلیبس 75 فیصد تک کم کئے جائیں گے۔ ڈی سی اے آر کو یہ ذمے داری دی گئی ہے کہ وہ کم کردہ سلیبس کو سکول ایجوکیشن ڈپارٹمنٹ کو 15 دسمبر تک بھیج دے گا اور طلبہ، بورڈ اور دیگر متعلقین کو اس سلسلے میں بروقت معلومات فراہم کی جائیں گی۔

یہ بھی پڑھیں: ہم بھارت جائیں اور وہ نہ آئیں، یہ نہیں ہوسکتا ، محسن نقوی کا بیان

داخلوں کا شیڈول

میٹنگ منٹس کے مطابق کالجوں میں تعلیمی سال یکم اگست 2025 سے شروع ہوگا۔ زیادہ تر جامعات میں سکالر شپس پروگرام کا اعلان اگست میں کیا جاتا ہے، لہذا طلبہ کے داخلوں اور قیمتی سال کو بچانے کے لئے یہ اقدام کیا جا رہا ہے۔ سال 2025 میں کلاس نہم کے داخلے یکم مارچ سے 31 مارچ تک ہوں گے اور کلاسز یکم اپریل سے شروع ہوں گی۔ انٹر سال اول کے داخلے مرکزی داخلہ کمیٹی کے تحت یکم جون سے ہوں گے۔

یہ بھی پڑھیں: بنگلہ دیش کے آل راؤنڈر شکیب الحسن کا بولنگ ایکشن رپورٹ ہوگیا

امتحانات کی تاریخیں

منٹس کے مطابق جماعت چہارم سے آٹھویں جماعت کے امتحانات یکم سے 15 مارچ تک ہوں گے، جبکہ میٹرک کے امتحانات 15 مارچ سے شروع ہوں گے اور انٹر کے امتحانات 15 اپریل سے ہوں گے۔ مرکزی جانچ یا سینٹرلائز اسسمنٹ کے تحت میٹرک کے نتائج 15 جولائی جبکہ انٹر کے 15 اگست تک جاری ہوں گے۔ نویں اور گیارہویں کے نتائج دسویں اور بارہویں کے نتائج کے اجراء کے 60 روز میں جاری ہوں گے۔