بھارتی ڈومیسٹک ٹی ٹوئنٹی میں ابھیشیک شرما نے 28گیندوں پر سنچری مار دی

ابھیشیک شرما کی شاندار کارکردگی

اسلام آباد(ڈیلی پاکستان آن لائن)بھارتی کھلاڑی ابھیشیک شرما نے ڈومیسٹک ٹی 20 ٹورنامنٹ سید مشتاق علی ٹرافی میں 28 گیندوں پر سنچری جڑ دی۔

یہ بھی پڑھیں: تبلیغی اجتماع سے آنے والی گاڑی کو حادثہ، وزیر اعلیٰ مریم نواز کا قیمتی انسانی جانوں کے ضیاع پر اظہار افسوس

میچ کی تفصیلات

پنجاب کی طرف سے کھیلتے ہوئے ابھیشیک شرما نے میگھالیا کیخلاف میچ میں 29 گیندوں پر 106 رنز کی شاندار اننگ کھیلی جس میں 8 چوکے اور 11 چھکے شامل تھے۔ابھیشیک شرما کی شاندار اننگ کی بدولت پنجاب کی ٹیم نے 143 رنز کا مطلوبہ ہدف 9.3 اوورز میں حاصل کیا۔

یہ بھی پڑھیں: پاکستان میں دہشت گردی کے لیے بھارت دراصل کسے مسلح کررہا ہے؟ تہلکہ خیز دعویٰ

بین الاقوامی کارکردگی

یاد رہے کہ ابھیشیک شرما 12 ٹی 20 انٹرنیشنل میچز میں بھارت کی نمائندگی بھی کر چکے ہیں۔

تیز ترین سنچری کا ریکارڈ

خیال رہے کہ ٹی 20 فارمیٹ میں تیز ترین سنچری کا ریکارڈ استونیا کے ساحل چوہان کے پاس ہیں جنہوں نے قبرص کیخلاف 27 گیندوں میں سنچری کی تھی۔