جعلی رسید کیس، عمران خان اور بشریٰ بی بی کی درخواست ضمانت پر فیصلہ ملتوی

جعلی رسید کیس میں فیصلہ مؤخر

اسلام آباد (ویب ڈیسک) جعلی رسید کیس میں عمران خان اور بشریٰ بی بی کی درخواست ضمانت پر فیصلہ ملتوی ہوگیا۔

یہ بھی پڑھیں: بونیر: گاڑی کھائی میں گر گئی، 8 افراد جاں بحق، 6 زخمی

عدالت میں پیش رفت

ایکسپریس نیوز کے مطابق ڈسٹرکٹ اینڈ سیشن عدالت اسلام آباد میں بانی پی ٹی آئی عمران خان اور ان کی اہلیہ بشریٰ بی بی کے خلاف تھانہ کوہسار میں درج جعلی رسید کے کیس میں ایڈیشنل سیشن جج محمد افضل مجوکا کی رخصت کے باعث درخواست ضمانت پر فیصلہ نہ سنایا جا سکا۔

یہ بھی پڑھیں: ہم تو بہت پرسکون اور چِل ہیں: عظمیٰ بخاری کا اسلام آباد میں پی ٹی آئی کے احتجاج پر رد عمل، کہیں چار لوگوں کا قافلہ بھی نظر نہیں آیا

سماعت کا پس منظر

گزشتہ سماعت پر عدالت نے فیصلہ محفوظ کیا تھا جب کہ بانی پی ٹی آئی کے دیگر مقدمات کی ضمانتوں پر بحث ہونا تھی۔ بشریٰ بی بی کی جانب سے ان کے وکلا نے ڈیوٹی جج کے پاس حاضری سے استثنا کی درخواست دائر کر دی، وکلا نے مؤقف اختیار کیا کہ بشریٰ بی بی پر بے شمار مقدمات درج ہیں، ان میں ضمانتیں کروانی ہیں۔

نیا فیصلہ کب سنایا جائے گا؟

بانی پی ٹی آئی عمران خان اور بشریٰ بی بی کی درخواست ضمانتوں پر فیصلہ 17 دسمبر کو سنایا جائے گا۔