وزیراعلیٰ مریم نواز کل سرکاری دورے پر چین روانہ ہوںگی،معاشی تعاون کے امکانات پر پیش رفت متوقع

وزیراعلیٰ پنجاب کا دورہ چین

لاہور (ڈیلی پاکستان آن لائن) وزیراعلیٰ پنجاب مریم نواز کل (8 دسمبر) سرکاری دورے پر چین روانہ ہوں گی۔ یہ دورہ حکومتی جماعت کمیونسٹ پارٹی (سی پی سی) کے بین الاقوامی ترقی کے شعبے کی دعوت پر ہوگا۔

یہ بھی پڑھیں: پاکستان اور سعودی عرب کے درمیان تاریخی دفاعی معاہدے پر صحافی عمران شفقت کی پرانی ویڈیو سوشل میڈیا پر وائرل ہو گئی

وفد اور دورانیہ

مریم نواز شریف 8 سے 15 دسمبر تک 8 روزہ دورے کے دوران سینئر صوبائی وزیر مریم اورنگزیب سمیت اعلیٰ سطح کا 10 رکنی وفد بھی اپنے ساتھ لے جائیں گی۔ اس دورے کا خاص اہتمام بیجنگ، شنگھائی، شن ژین اور گوانگ ژو کے علاقوں میں کیا گیا ہے۔

یہ بھی پڑھیں: گینگ آف تھری کا دم چھلّہ وفاق کی جڑیں کھودنے میں مصروف ہے ، پی ٹی آئی

اہم ملاقاتیں

وزیراعلیٰ چین میں سی پی سی کے انٹرنیشنل ڈیپارٹمنٹ کے وزیر لیوجیان چاؤ سے ملاقات کریں گی جبکہ نائب وزیر سن حیان وزیراعلیٰ کے اعزاز میں ظہرانہ دیں گی۔ علاوہ ازیں، وزیراعلیٰ کی سی پی سی کی مرکزی قیادت اور چین کے وزیر ماحولیات سے بھی ملاقاتیں شیڈول میں شامل ہیں۔

یہ بھی پڑھیں: پاکپتن کے ہسپتال میں 20 بچوں کی موت کا معاملہ، مدعی مقدمہ اور محکمہ صحت کے حکام میں صلح، ملزمان کی ضمانتیں منظور

صحت اور ٹرانسپورٹ کے دورے

وزیراعلیٰ مریم نواز کو شی جی تان ہسپتال کے خصوصی دورے کے دوران چین میں صحت عامہ کے نظام پر بریفنگ دی جائے گی۔ اس کے علاوہ، وہ بیجنگ میونسپل کمیشن آف ٹرانسپورٹ کا بھی دورہ کریں گی۔

یہ بھی پڑھیں: وہاڑی میں ٹیوشن سینٹر سے نکلنے والے طلبہ پر نامعلوم افراد کی فائرنگ، 1 طالبعلم جاں بحق، 3 زخمی ہوگئے

سائنس اور ٹیکنالوجی کے ادارے

وزیراعلیٰ کے دورے میں سائنس پارک، ماحولیاتی بہتری کی ٹیکنالوجی، آئی ٹی اور جدید سائنسی طریقوں کے استعمال سے متعلق اداروں کے دوروں کا اہتمام بھی شامل ہے۔ وہ درآمدی اشیاء کی نمائش میں بھی شرکت کریں گی اور سی پی سی سینٹرل کانگریس اور میوزیم کا بھی دورہ کریں گی۔

یہ بھی پڑھیں: ساجد خان نے گھر بلا کر کپڑے اتارنے کا کہا،اداکارہ نوینا بولے نے ہدایتکار پر سنگین الزام عائد کردیا

تعلیمی نظام کا جائزہ

خصوصی طور پر، وزیراعلیٰ چین کے ایک پرائمری سکول کا دورہ کریں گی جہاں انہیں چین میں تعلیمی نظام پر بریفنگ دی جائے گی۔

یہ بھی پڑھیں: سیلاب متاثرہ زرعی کمرشل صارفین کے اگست کے بجلی بل دسمبر تک مؤخر

قابل تجدید توانائی اور دیگر دورے

وزیراعلیٰ مریم نواز قابل تجدید توانائی کے نظام کا جائزہ لینے کے لیے جیانگ ڈنگ ری نیوایبل انرجی فسیلیٹی کا بھی دورہ کریں گی اور ساتھ ہی ہوائی ٹیکنالوجیز فیکٹری کا بھی دورہ کریں گی۔

باہمی تعاون کی بات چیت

وزیراعلیٰ کے دورے کے شیڈول میں پنجاب چین ڈنر اور پنجاب انویسٹمنٹ کانفرنس بھی شامل ہے۔ اس دوران چین کی حکومتی جماعت اور پاکستان مسلم لیگ (ن) میں باہمی تعاون بڑھانے پر بات چیت کی جائے گی، اور چین اور صوبہ پنجاب میں اشتراک عمل اور معاشی تعاون کے امکانات پر پیش رفت متوقع ہے۔