وزیراعلیٰ مریم نواز کل سرکاری دورے پر چین روانہ ہوںگی،معاشی تعاون کے امکانات پر پیش رفت متوقع

وزیراعلیٰ پنجاب کا دورہ چین

لاہور (ڈیلی پاکستان آن لائن) وزیراعلیٰ پنجاب مریم نواز کل (8 دسمبر) سرکاری دورے پر چین روانہ ہوں گی۔ یہ دورہ حکومتی جماعت کمیونسٹ پارٹی (سی پی سی) کے بین الاقوامی ترقی کے شعبے کی دعوت پر ہوگا۔

یہ بھی پڑھیں: چین پاکستان میں بڑے انفراسٹرکچر منصوبوں پر کام کر رہا ہے، چینی قونصل جنرل ژاؤ شیرین

وفد اور دورانیہ

مریم نواز شریف 8 سے 15 دسمبر تک 8 روزہ دورے کے دوران سینئر صوبائی وزیر مریم اورنگزیب سمیت اعلیٰ سطح کا 10 رکنی وفد بھی اپنے ساتھ لے جائیں گی۔ اس دورے کا خاص اہتمام بیجنگ، شنگھائی، شن ژین اور گوانگ ژو کے علاقوں میں کیا گیا ہے۔

یہ بھی پڑھیں: تکنیکی اور آپریشنل وجوہات کے باعث اندرون و بیرون ملک 8پروازیں منسوخ

اہم ملاقاتیں

وزیراعلیٰ چین میں سی پی سی کے انٹرنیشنل ڈیپارٹمنٹ کے وزیر لیوجیان چاؤ سے ملاقات کریں گی جبکہ نائب وزیر سن حیان وزیراعلیٰ کے اعزاز میں ظہرانہ دیں گی۔ علاوہ ازیں، وزیراعلیٰ کی سی پی سی کی مرکزی قیادت اور چین کے وزیر ماحولیات سے بھی ملاقاتیں شیڈول میں شامل ہیں۔

یہ بھی پڑھیں: بہاولنگر میں لرزہ خیز واقعہ: شوہر نے ساتھیوں سمیت جھونپڑی کو مبینہ طور پر آگ لگا کر بیوی کو زندہ جلا دیا

صحت اور ٹرانسپورٹ کے دورے

وزیراعلیٰ مریم نواز کو شی جی تان ہسپتال کے خصوصی دورے کے دوران چین میں صحت عامہ کے نظام پر بریفنگ دی جائے گی۔ اس کے علاوہ، وہ بیجنگ میونسپل کمیشن آف ٹرانسپورٹ کا بھی دورہ کریں گی۔

یہ بھی پڑھیں: پاکستان کے ذریعے چین کے سلک روڈ منصوبے کا حصہ بنیں گے، ایرانی صدر کی دورہ پاکستان سے قبل گفتگو

سائنس اور ٹیکنالوجی کے ادارے

وزیراعلیٰ کے دورے میں سائنس پارک، ماحولیاتی بہتری کی ٹیکنالوجی، آئی ٹی اور جدید سائنسی طریقوں کے استعمال سے متعلق اداروں کے دوروں کا اہتمام بھی شامل ہے۔ وہ درآمدی اشیاء کی نمائش میں بھی شرکت کریں گی اور سی پی سی سینٹرل کانگریس اور میوزیم کا بھی دورہ کریں گی۔

یہ بھی پڑھیں: خیبرپختونخوا کابینہ میں توسیع کا فیصلہ، نئے وزراء کے لئے مشاورت شروع

تعلیمی نظام کا جائزہ

خصوصی طور پر، وزیراعلیٰ چین کے ایک پرائمری سکول کا دورہ کریں گی جہاں انہیں چین میں تعلیمی نظام پر بریفنگ دی جائے گی۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا؟

قابل تجدید توانائی اور دیگر دورے

وزیراعلیٰ مریم نواز قابل تجدید توانائی کے نظام کا جائزہ لینے کے لیے جیانگ ڈنگ ری نیوایبل انرجی فسیلیٹی کا بھی دورہ کریں گی اور ساتھ ہی ہوائی ٹیکنالوجیز فیکٹری کا بھی دورہ کریں گی۔

باہمی تعاون کی بات چیت

وزیراعلیٰ کے دورے کے شیڈول میں پنجاب چین ڈنر اور پنجاب انویسٹمنٹ کانفرنس بھی شامل ہے۔ اس دوران چین کی حکومتی جماعت اور پاکستان مسلم لیگ (ن) میں باہمی تعاون بڑھانے پر بات چیت کی جائے گی، اور چین اور صوبہ پنجاب میں اشتراک عمل اور معاشی تعاون کے امکانات پر پیش رفت متوقع ہے۔