شہداء کی یادگاروں کو نقصان پہنچانے والے ملک دشمن ہیں: گورنر پنجاب
گورنر پنجاب کا بیان
لاہور، بنوں (ڈیلی پاکستان آن لائن ) گورنر پنجاب سردار سلیم حیدر خان نے کہا ہے کہ شہداءکی یادگاروں کو نقصان پہنچانے والے ملک کے دشمن ہیں۔
یہ بھی پڑھیں: پی ٹی آئی کی “فائنل کال”: خیبرپختونخوا کے مقابلے میں پنجاب اور سندھ سے کارکنان کی بڑی تعداد احتجاج میں شامل کیوں نہیں ہوئی؟
شہید کیپٹن زوہیب الدین کی یاد
گورنرپنجاب سردار سلیم حیدر خان نے بنوں کے علاقے خیبر میں خوراج کے خلاف آپریشن کے دوران جام شہادت نوش کرنے والے کیپٹن زوہیب الدین کے گھر جا کر اہل خانہ سے اظہار تعزیت اور فاتحہ خوانی کی۔ گورنر پنجاب نے ملک و قوم کیلئے جان کا نذرانہ پیش کرنے پر شہید کیپٹن کو خراج عقیدت پیش کیا۔
یہ بھی پڑھیں: معصوم بچی سے زیادتی اور قتل کے مجرم کو بدترین تحفہ، 45ویں سالگرہ پر سزائے موت دے دی گئی
شہداءکی قربانیوں کی اہمیت
اس موقع پر گفتگو کرتے ہوئے گورنر پنجاب سردار سلیم حیدر خان کا کہنا تھا کہ ملک پر اپنی جان نچھاور کرنے والے بہادر جوان قوم کا فخر ہیں، شہداءکا مقدس لہو رائیگاں نہیں جائے گا، شہداءاور ان کے ورثاء پوری قوم کا فخر ہیں۔ پاک فوج کے ایک بہادر شہید آفیسر کے اہل خانہ سے ملنا میرے لئے اعزاز کی بات ہے۔
یہ بھی پڑھیں: ہنڈائی کی گاڑیوں کی قیمتوں میں اضافے کا اعلان، صارفین کس طرح متاثر ہوں گے؟
قومی سلامتی اور افواج کی قربانیاں
انہوں نے کہا کہ شہداءکی قربانیاں ملکی سلامتی کی بنیاد ہیں، شہداءکے خاندانوں کے ساتھ کھڑے ہیں، سرحدوں پر ملک و قوم کی حفاظت پر کھڑے پاک فوج کے جوانوں کو سلام پیش کرتا ہوں۔ ہمارے شہداء کی یاد گاروں کو نقصان پہنچانے والے ملک کے دشمن ہیں۔
یہ بھی پڑھیں: اگر مسلم دنیا متحد نہ ہوئی تو سب کی باری آئے گی: خواجہ آصف
سیاسی گمراہ کن رویے کی مذمت
سردار سلیم حیدر کا کہنا تھا کہ سیاست کی آڑ میں ہماری فورسز کے خلاف نوجوان نسل کو گمراہ کرنا قبول نہیں، پاک فوج ہمارا فخر ہے، دہشتگردی کی جنگ میں اپنی فورسز کے ساتھ ہیں۔ پاک فوج کی تنصیبات، شہداء کی یاد گاروں کی بے حرمتی اور زہر اگلنے والوں کی جتنی مذمت کی جائے کم ہے۔
شہداءکی عزت کا تحفظ
انہوں نے مزید کہا کہ ہماری افواج ملک کی خاطر اپنی جان نچھاور کریں اور ہم ان شہداءکی بے حرمتی کریں یہ ممکن نہیں۔
