9 مئی جی ایچ کیو حملہ کیس، علی امین سمیت 25 ملزمان کے ناقابل ضمانت وارنٹ گرفتاری جاری

عدالت کی جانب سے وارنٹ گرفتاری کا اجراء

اسلام آباد (ڈیلی پاکستان آن لائن) انسداد دہشت گردی عدالت نے 9 مئی کو جنرل ہیڈکوارٹرز (جی ایچ کیو) حملہ کیس میں وزیر اعلیٰ خیبر پختونخوا علی امین گنڈا پور سمیت 25 ملزمان کے ناقابل ضمانت وارنٹ گرفتاری جاری کردیے۔ وارنٹ گرفتاری انسداد دہشت گردی عدالت راولپنڈی کے جج امجد علی شاہ نے جاری کیے۔

یہ بھی پڑھیں: امن کی کوششوں میں پاکستان تحریک انصاف سب سے آگے نظر آئے گی، بیرسٹر گوہر

گرفتاری کے احکامات

عدالت نے سی پی او راولپنڈی کو ملزمان کی گرفتاری کے احکامات دے دیے اور حکم دیا کہ ملزمان کو گرفتار کرکے 10 دسمبر کو عدالت پیش کریں۔ علی امین گنڈاپور کے علاوہ شبلی فراز، شہریار آفریدی، زین قریشی، کنول شوذب، طاہر صادق اور تیمور مسعود ملک کے بھی وارنٹ گرفتاری جاری کیے گئے ہیں۔