26ویں آئینی ترمیم سے متعلق کیس فل کورٹ سنے، شعیب شاہین کا مطالبہ

پی ٹی آئی رہنما کا مطالبہ

اسلام آباد (ڈیلی پاکستان آن لائن) پاکستان تحریک انصاف (پی ٹی آئی) کے رہنما شعیب شاہین نے مطالبہ کیا ہے کہ 26ویں آئینی ترمیم سے متعلق کیس فل کورٹ سنے۔ انہوں نے کہا کہ 26 ویں آئینی ترمیم کرکے انصاف کے نظام پر حملہ کیا گیا ہے۔

یہ بھی پڑھیں: پی ٹی آئی کے ایک تیر سے دو شکار، بلاول غیر پارلیمانی قوتوں کو بھی آن بورڈ لینے کے خواہاں لیکن آئینی ترمیم کا بنیادی مقصد کیا ہے؟ حامد میر کھل کر بول پڑے

گفتگو کے اہم نکات

جیو نیوز کے پروگرام میں گفتگو کرتے ہوئے شعیب شاہین نے کہا کہ آئینی بینچ تو 26 ویں ترمیم کی وجہ سے ہی بنی ہیں۔ اگر یہ ترمیم کالعدم ہوگئی تو آئینی بینچز کے فیصلوں کا کیا ہوگا؟ انہوں نے مزید کہا کہ الیکشن فراڈ سے متعلق ہماری درخواست سینئر ججز کے پاس لگائی جائے، کیونکہ 26 ویں آئینی ترمیم کرکے انصاف کے نظام پر حملہ کیا گیا ہے۔

حکومت پر تنقید

پی ٹی آئی رہنما نے کہا کہ حکومت ملک کے اداروں کو نقصان پہنچا رہی ہے۔ ظلم کی وجہ سے لوگ ملک سے سرمایہ نکال رہے ہیں۔ شعیب شاہین کا کہنا تھا کہ ملک اُس وقت ترقی کرے گا جب قانون کی بالادستی ہوگی۔