پی آئی اے نے 10 جنوری سے یورپ کیلیے فضائی آپریشن کا اعلان کر دیا

پی آئی اے کی نئی فضائی خدمات

کراچی(ڈیلی پاکستان آن لائن) قومی ایئر لائن، پی آئی اے نے 10 جنوری 2025 سے یورپ کے لیے فضائی آپریشن کا اعلان کردیا ہے۔

یہ بھی پڑھیں: ایک بڑے سیاسی گھرانے کی کسی شخصیت کے کرپٹو میں 100 ملین ڈالر ڈوبنے کی افواہ پر مرزا شہزاد اکبر کا ردعمل بھی آگیا

پروازوں کی تفصیلات

ترجمان پی آئی اے کے مطابق ابتدائی مرحلے میں پیرس کے لیے ہفتہ وار 2 پروازیں آپریٹ کی جائیں گی۔ پہلی پرواز اسلام آباد سے پیرس کے لیے روانہ ہوگی۔ پروازوں کی تعداد کو بتدریج بڑھایا جائے گا اور یہ پروازیں جمعہ اور اتوار کے دن آپریٹ کی جائیں گی۔

یہ بھی پڑھیں: فائر فائٹرز آزمائش کی گھڑی میں روشنی بن کر سامنے آتے ہیں: وزیر اعلیٰ پنجاب

بہترین شیڈول

پی آئی اے نے پروازوں کا شیڈول مسافروں کی سہولت کے حساب سے انتہائی پرکشش رکھا ہے۔ اسلام آباد سے پرواز پاکستانی وقت کے مطابق صبح ساڑھے گیارہ بجے روانہ ہوگی اور فرانس کے مقامی وقت شام چار بجے پیرس پہنچے گی۔

یہ بھی پڑھیں: بابراعظم نے ٹی ٹونٹی میں ویرات کوہلی کا بھی ریکارڈ توڑ دیا

آنے اور جانے کے اوقات

ترجمان کے مطابق، پیرس سے پرواز شام چھ بجے روانہ ہوگی اور پاکستانی وقت کے مطابق صبح پانچ بجے اسلام آباد پہنچے گی۔ اس شیڈول کی سہولت ایسی ہے کہ مسافر ناشتہ پاکستان میں اور دوپہر کا کھانا پیرس میں کھائیں گے۔