بشریٰ بی بی کو کوئی چھوڑ کر نہیں گیا، ان سمیت سب بھاگے تھے: خواجہ آصف

اسلام آباد میں دھرنے کا ہنگامہ

اسلام آباد (ڈیلی پاکستان آن لائن )وزیر دفاع خواجہ آصف نے کہا ہے کہ اسلام آباد میں ہونے والے دھرنے میں پاکستان تحریک انصاف کے بانی عمران خان کی اہلیہ بشریٰ بی بی کو کوئی چھوڑ کر نہیں گیا بلکہ ان سمیت سب بھاگے تھے۔

یہ بھی پڑھیں: معروف پاکستانی اداکارہ انوشے اشرف نے بیرون ملک خاموشی سے شادی کر لی ، دولہا کون؟ جانئے

سول نافرمانی کا ناکام ہونا

نجی ٹی وی جیو نیوز سے گفتگو کرتے ہوئے خواجہ آصف نے کہا کہ سول نافرمانی ناکام ہو جائے گی، سول نافرمانی تب کامیاب ہوتی ہے جب عوام کا انحصار ریاست پر نہ ہو، اب ریاست عوام کو ہر چیز مہیا کر رہی ہے۔ اس سے قبل بھی بانی پی ٹی آئی نے دھرنے میں بل جلایا تھا، تب بھی کسی نے عمل نہیں کیا تھا۔

یہ بھی پڑھیں: مغربی کنارے کے الحاق کا منصوبہ، نیتن یاہو نے یو اے ای کے دباؤ میں آ کر فیصلہ واپس لے لیا

بشریٰ بی بی کا بیان

ایک اور سوال کا جواب دیتے ہوئے خواجہ آصف نے کہا کہ بشریٰ بی بی کو کوئی چھوڑ کر نہیں گیا، ان سمیت سب بھاگے تھے، انہوں نے ویڈیو دیکھی ہے، بشریٰ بی بی خود جا رہی تھیں۔

یہ بھی پڑھیں: تحریک انصاف نے آئینی ترمیم کا حصہ نہ بننے اور ووٹنگ کے بائیکاٹ کا اعلان کر دیا

احسن اقبال کی رائے

دوسری جانب وفاقی وزیر برائے منصوبہ بندی احسن اقبال نے بھی سول نافرمانی پر بات کرتے ہوئے کہا کہ جس ملک میں انتشار ہوگا، سول نافرمانی ہوگی وہ ملک ترقی نہیں کر سکتا، سیاسی اختلاف ضرور ہوتا ہے لیکن ملک کو بدنام کرنا سازش ہے، اگر ہمیں ترقی یافتہ بننا ہے تو امن، استحکام، پالیسیز کے تسلسل اور اصلاحات کو اپنانا ہوگا۔

یہ بھی پڑھیں: خیبر پختونخوا میں کچھ ایسی خطرناک ہائی ویز ہیں جہاں طالبان آتے ہیں، آئی جی خیبر پختونخوا کا انکشاف

بشریٰ بی بی کی تعزیت

واضح رہے کہ تین روز قبل بشریٰ بی بی نے دھرنے کے دوران جاں بحق ہونے والے کارکن کے گھر جا کر تعزیت کی تھی اور میڈیا سے گفتگو کرتے ہوئے کہا تھا کہ شہادتوں کی وجہ سے تکلیف میں تھی، میں بھاگنے والی عورت نہیں ہوں، مجھے ڈی چوک پر اکیلا چھوڑ دیا گیا تھا، سمجھ نہیں آرہا تھا لوگ جھوٹ کیوں بول رہے تھے۔

علی امین گنڈا پور کا ردعمل

ادھر خیبرپختونخوا کے وزیراعلیٰ علی امین گنڈا پور نے بشریٰ بی بی کے اکیلے چھوڑے جانے کے دعوے کی تردید کرتے ہوئے ان کے بیان کو ذاتی قرار دیا اور کہا کہ میں پورا وقت بشریٰ بی بی کے ساتھ تھا۔