بنگلہ دیش نے بھارت کو شکست دے کر انڈر 19 ایشیا کپ کا ٹائٹل جیت لیا

دبئی (ڈیلی پاکستان آن لائن) بنگلہ دیش نے بھارت کو شکست دے کر انڈر 19 ایشیا کپ کا ٹائٹل جیت لیا۔ اتوار کے روز دبئی میں کھیلے گئے انڈر 19 ایشیا کپ کے فائنل میں بنگلہ دیش نے بھارت کو 59 رنز سے شکست دے کر ٹائٹل اپنے نام کیا۔

یہ بھی پڑھیں: سابق صدر عارف علوی کے خلاف مقدمہ درج کرنے کی درخواست پر تحریری فیصلہ جاری

میچ کی تفصیلات

ایونٹ کے فائنل میں بنگلہ دیش نے پہلے بیٹنگ کرتے ہوئے 49.1 اوورز میں 198 رنز بنائے، اور پوری ٹیم جلد ہی پویلین لوٹ گئی۔ رزان ہوسن 47 رنز کی شاندار اننگز کے ساتھ نمایاں رہے۔ بھارت کی جانب سے چیتن شرما اور ہاردک راج نے دو، دو کھلاڑیوں کو آؤٹ کیا۔

یہ بھی پڑھیں: چینی قونصل جنرل کا جیوفیک ہسپتال لاہور کا دورہ، سیلاب متاثرین سے اظہار یکجہتی

بھارتی ٹیم کی کارکردگی

ہدف کے تعاقب میں بھارتی ٹیم 35.2 اوورز میں 139 رنز پر ڈھیر ہوگئی اور انہیں میچ میں 59 رنز سے شکست کا سامنا کرنا پڑا۔ بھارت کی جانب سے کپتان محمد امان 26 رنز کے ساتھ نمایاں رہے۔

یہ بھی پڑھیں: یہ امر حوصلہ افزا ہے کہ ایران نے دھمکیوں اور دباؤ کا جرأت مندی سے سامنا کیا بلکہ دھمکیوں پر ترکی بہ ترکی جواب دینے میں بھی کبھی تامل نہیں کیا۔

بنگلہ دیش کی بالنگ کی شاندار کارکردگی

بنگلہ دیش کی جانب سے اقبال حسین اور عزیزالحکم نے تین، تین وکٹیں حاصل کیں۔

بھارت کی دوسری شکست

یاد رہے کہ بھارت کی قومی ٹیم (روہت شرما الیون) کو بھی آج ایڈیلیڈ ٹیسٹ میں آسٹریلیا کے ہاتھوں 10 وکٹوں سے عبرتناک شکست کا سامنا کرنا پڑا ہے۔