بشارالاسد حکومت کے خاتمے کی اصل وجہ کیا ہے؟ ڈونلڈ ٹرمپ کا اہم ترین بیان آگیا

ٹرمپ کا بیان بشار الاسد کے زوال پر

واشنگٹن (ڈیلی پاکستان آن لائن) امریکہ کے نو منتخب صدر ڈونلڈ ٹرمپ، جو 20 جنوری کو عہدہ سنبھالنے والے ہیں، نے کہا کہ شام کے صدر بشار الاسد کا زوال روس کی جانب سے ان کا ساتھ چھوڑنے کی وجہ سے ہوا۔ انہوں نے مزید کہا کہ ماسکو کو کبھی بھی اسد کی حفاظت نہیں کرنی چاہیے تھی۔

یہ بھی پڑھیں: حلیم عادل شیخ اور انکے بھائی جعل سازی کے مقدمے میں بری

روس کی دلچسپی میں کمی

یوکرین کی جنگ، جو کبھی شروع نہیں ہونی چاہیے تھی، کی وجہ سے روس نے شام میں دلچسپی کھو دی۔ ٹرمپ نے اپنے سوشل میڈیا پلیٹ فارم ٹروتھ سوشل پر لکھا، "اسد ختم ہو چکا ہے۔ وہ اپنے ملک سے فرار ہو چکا ہے۔ اس کا محافظ، روس، جس کی قیادت (صدر) ولادی میر پیوٹن کر رہے ہیں، اس کی حفاظت میں دلچسپی نہیں رکھتا تھا۔"

یہ بھی پڑھیں: شمالی وزیرستان؛سکیورٹی فورسز کے آپریشن میں 6خوارج ہلاک، 6زخمی

یوکرین کی جنگ کا فوری خاتمہ

خبر ایجنسی روئٹرز کے مطابق ٹرمپ نے یوکرین کی جنگ کو تیزی سے ختم کرنے کا عزم ظاہر کیا ہے۔ انہوں نے ہفتے کے روز پیرس میں یوکرین کے صدر ولادی میر زیلنسکی سے ملاقات کی، جہاں وہ دونوں نوٹر ڈیم کیتھیڈرل کی افتتاحی تقریب میں شریک تھے۔

مذاکرات کی ضرورت

انہوں نے کہا کہ روس اور یوکرین دونوں نے لاکھوں فوجی ہلاک اور زخمی کیے ہیں، اور یوکرین نے کئی شہری بھی کھوئے ہیں۔ "فوری جنگ بندی ہونی چاہیے اور مذاکرات کا آغاز ہونا چاہیے۔ میں ولادی میر کو اچھی طرح جانتا ہوں۔ یہ ان کے عمل کرنے کا وقت ہے۔ چین مدد کر سکتا ہے۔ دنیا انتظار کر رہی ہے۔"