سپریم کورٹ؛بانی پی ٹی آئی کی 9مئی کے جوڈیشل تحقیقات کی درخواست باضابطہ سماعت کیلئے منظور

سپریم کورٹ کی آئینی بنچ کا فیصلہ

اسلام آباد(ڈیلی پاکستان آن لائن) سپریم کورٹ آئینی بنچ نے بانی پی ٹی آئی کی 9 مئی کے جوڈیشل تحقیقات کی درخواست باضابطہ سماعت کے لیے منظور کر لی اور رجسٹرار آفس کے اعتراضات ختم کر دیئے۔ عدالت نے رجسٹرار آفس کو درخواست پر نمبر لگا کر دوبارہ سماعت کے لیے مقرر کرنے کی ہدایت کر دی۔

یہ بھی پڑھیں: خیبر پختونخوا میں 3آپریشنز میں شہید ہونے والے سیکیورٹی فورسز کے 6جوانوں کے بارے میں اہم معلومات سامنے آگئیں

عدالت کی کارروائی

نجی ٹی وی سما نیوز کے مطابق بانی پی ٹی آئی کی جانب سے حامد خان عدالت کے سامنے پیش ہوئے۔ جسٹس امین الدین خان نے استفسار کیا کہ کیا حکومت اس کیس کو چلانا چاہتی ہے؟ ایڈیشنل اٹارنی جنرل نے کہا کہ جی حکومت سنجیدگی سے درخواست کی پیروی کرے گی۔ 25 مئی کے لانگ مارچ میں عدالتی حکم کی خلاف ورزی کی گئی۔

یہ بھی پڑھیں: پاکستان اور زمبابوے کی ٹی ٹوئنٹی سیریز: “ماڈرن ٹی ٹوئنٹی انقلاب میں پاکستان کا آغاز”

ججز کا تبصرہ

جسٹس امین الدین خان نے کہا کہ اگر نوٹس کیا تو بانی پی ٹی آئی کو یہاں پیش بھی کرنا پڑے گا۔ جسٹس امین الدین نے ایڈیشنل اٹارنی جنرل کو مشورہ دیا کہ اس حوالے سے ہدایات لے لیں۔ جسٹس جمال مندوخیل نے کہا کہ توہین کا معاملہ عدالت اور توہین کرنے والے کے درمیان ہوتا ہے، آپ کیوں جذباتی ہو رہے ہیں؟ عدالت آپ کو راستہ دکھا رہی ہے۔

یہ بھی پڑھیں: پاک بحریہ کے سابق سربراہ ایڈمرل یسطور الحق ملک انتقال کر گئے

وکلاء کا موقف

سلمان اکرم راجا نے کہا کہ بانی پی ٹی آئی کی جانب سے جواب جمع کرایا ہے۔ عدالت کا زبانی حکم بانی پی ٹی آئی تک نہیں پہنچ سکا تھا، موبائل سروس کی بندش کے باعث وکلا کا رابطہ بھی نہ ہو سکا۔ جسٹس مسرت ہلالی نے استفسار کیا کہ کیا بانی پی ٹی آئی کو نوٹس ہوا تھا؟ سلمان اکرم راجہ نے کہا کہ جی نوٹس موصول ہونے پر ہی جواب جمع کرایا ہے، توہین عدالت کا نوٹس نہیں تھا بلکہ صرف جنرل نوٹس تھا۔