انٹر بینک مارکیٹ میں ڈالر سستا، سٹاک مارکیٹ میں زبرست تیزی
کراچی کا مالی منظر
کراچی (ڈیلی پاکستان آن لائن) انٹربینک مارکیٹ میں کاروبار کے آغاز کے بعد ڈالر کی قیمت میں کمی دیکھنے میں آئی ہے جبکہ دوسری جانب سٹاک مارکیٹ میں ایک مرتبہ پھر تاریخ رقم ہوئی اور انڈیکس ایک لاکھ 10 ہزار کی نفسیاتی حد عبور کر گیا۔
یہ بھی پڑھیں: لاہور میں جلد پانی کے میٹرز لگائے جائیں گے، واسا
ڈالر کی قیمت کا حال
تفصیلات کے مطابق انٹر بینک مارکیٹ میں ڈالر 8 پیسے کم ہونے کے بعد 277.90 روپے پر ٹریڈ کر رہا ہے۔
یہ بھی پڑھیں: تاتاریوں سے امریکی فوج تک: بغداد کے عروج و زوال کی کہانی، دنیا کے سب سے امیر شہر کا ماضی
سٹاک مارکیٹ کی حیرت انگیز کارکردگی
کاروباری ہفتے کے دوسرے دن بازارِ حصص میں 882 پوائنٹس کی ریکارڈ ساز تیزی کے ساتھ مارکیٹ کا آغاز ہوا، جس سے کے ایس ای 100 انڈیکس ایک لاکھ 10 ہزار پوائنٹس کی نئی تاریخ ساز سطح عبور کر کے 110852 پوائنٹس کی سطح کو چھو گیا۔
یہ بھی پڑھیں: خیبرپختونخوا کے تعلیمی اداروں میں 31 اگست تک موسم گرما کی چھٹیوں کا اعلان
تاریخی بلندیوں کی مسلسل نشانی
گزشتہ کئی ہفتوں سے پی ایس ایکس 100 انڈیکس کی بلند ترین سطحوں کو چھو چکا ہے اور اس دوران کئی نئے ریکارڈز قائم ہو چکے ہیں۔
یہ بھی پڑھیں: اب کے جو نشیبوں میں پرواز ہماری ہے
معاشی عوامل اور بہتری
ملک میں مثبت معاشی اشاریوں، نئی مانیٹری پالیسی میں شرح سود میں نمایاں کمی، انفلوز میں بہتری اور اصلاحات پروگرام پر عمل درآمد جاری رہنے کے باعث معیشت درست پر گامزن ہونے جیسے عوامل کے باعث پاکستان اسٹاک ایکس چینج میں گزشتہ روز بھی انڈیکس ایک لاکھ 9 ہزار 500 پوائنٹس کی نئی بلند ترین سطح پر پہنچ گیا تھا۔
کے ایس ای 100 انڈیکس کا اختتامی جائزہ
پیر کے روز کاروبار کے اختتام تک زبردست تیزی کے ساتھ کے ایس ای 100 انڈیکس 916.44 پوائنٹس کے اضافے سے 109970.38 پوائنٹس کی نئی بلند ترین سطح پر بند ہوا تھا۔
