شادی کے 17 سال بعد دوسرے بچے سے متعلق سوال پر ابھیشیک بچن نے کیا جواب دیا ؟

بھابی بچن کی دلچسپ گفتگو

ممبئی (ڈیلی پاکستان آن لائن ) بالی وڈ اداکار ابھیشیک بچن شادی کے کئی سالوں بعد دوسرے بچے کے سوال پر شرمائے بغیر نہ رہ سکے۔

یہ بھی پڑھیں: لاہور سموگ: موٹر سائیکلوں کے سٹینڈ بند، چنگ چی رکشوں پر بھی پابندی عائد

چیٹ شو کی خاص باتیں

بھارتی میڈیا رپورٹس کے مطابق ابھیشیک بچن حال ہی میں اداکار رتیش دیش مکھ کے چیٹ شو ’کیس تو بنتا ہے‘ میں شریک ہوئے جس دوران رتیش نے ابھیشیک سے کئی دلچسپ سوالات کیے۔

یہ بھی پڑھیں: جنوبی وزیرستان میں فتنہ الخوارج کے حملے میں شہید جوانوں کی نماز جنازہ ادا

ناموں کا معاملہ

دوران گفتگو رتیش نے ابھیشیک سے پوچھا کہ ’امیتابھ، ایشوریا، آرادھیا اور آپ کا نام یعنی ابھیشیک بھی انگلش کے لیٹر ’A‘ سے شروع ہوتے ہیں لیکن جیا بچن اور شویتا بچن کے ناموں میں ایسا نہیں ان کا کیا قصور تھا؟

رتیش کے سوال پر ابھیشیک نے جواباً کہا کہ ’یہ بات آپ ان سے ہی پوچھیے لیکن جہاں تک میرا خیال ہے، یہ ہمارے گھر کی ایک روایت ہے جس کے تحت میری بیٹی آرادھیا کا نام بھی میری طرح A سے شروع ہوتاہے۔‘

یہ بھی پڑھیں: چیف جسٹس ہائیکورٹ کی تقرری کیلئے نامزدگی 3 سینئر ترین ججز میں سے ہوگی: مجوزہ ججز تقرری رولز جاری

دوسرے بچے کا سوال

ابھیشیک کی وضاحت پر رتیش نے ان سے دوسرے بچے کا سوال کیا کہ آرادھیا کے بعد؟ اس پر اداکار نے کہا کہ ’نہیں اب اگلی پیڑھی میں دیکھیں گے۔‘

رتیش نے ابھیشیک کو اپنے دو بیٹوں کے نام یاد دلاتے ہوئے دوسرے بچے کیلئے قائل کرنا چاہا تاہم ابھیشیک نے مسکراتے ہوئے رتیش کو چپ کرادیا اور کہا کہ ’عمر کا لحاظ کیا کرو میں تم سے بڑا ہوں۔‘

طلاق کی افواہیں

واضح رہے کہ ایشوریا رائے اور ابھیشیک بچن 2007 میں شادی کے بندھن میں بندھے تھے تاہم اب کچھ عرصے سے دونوں میں طلاق کی افواہیں گردش کررہی ہیں۔

ایشوریا نے حال ہی میں انسٹاگرام پر آرادھیا کی 13ویں سالگرہ کی تقریب کی تصاویر شیئر کی تھیں تاہم ان تصاویر میں بھی ابھیشیک موجود نہیں تھے۔