محسن نقوی سے امریکی سفیر کی ملاقات، دو طرفہ تعاون بڑھانے پر تبادلہ خیال

ملاقات کا پس منظر

اسلام آباد (ڈیلی پاکستان آن لائن) وفاقی وزیر داخلہ محسن نقوی سے امریکا کی قائم مقام سفیر نیٹلی بیکر نے ملاقات کی جس میں پاک امریکا تعلقات سمیت دو طرفہ تعاون بڑھانے پر تفصیلی تبادلہ خیال کیا۔

یہ بھی پڑھیں: بین الملکی تعلقات کی بہتری کیلئے ثقافتی سفارتکاری اہم ہے: اسحاق ڈار

تعزیت کا اظہار

ملاقات کے دوران قائم مقام امریکی سفیر نیٹلی بیکر نے گزشتہ دنوں اسلام آباد میں پولیس اور رینجرز اہلکاروں کی شہادت پر اظہار تعزیت کیا، کنٹری ڈائریکٹر آئی این ایل لائن نیلسن بھی اس موقع پر موجود تھے۔

یہ بھی پڑھیں: پاکستان بزنس کونسل دبئی کی لاہور میں منعقد ہونے والی چوتھی ہیلتھ، انجینئرنگ اینڈ منرلز شو میں شرکت، قونصلیٹ کی نمائندگی، کمرشل قونصلر علی زیب خان نے کی

چیمپئنز ٹرافی پر گفتگو

پاکستان میں آئی سی سی چیمپئنز ٹرافی ٹورنامنٹ کے انعقاد پر بھی گفتگو ہوئی، نیٹلی بیکر نے چیمپئنز ٹرافی کے پاکستان میں انعقاد کے حوالے سے نیک خواہشات کا اظہار کیا۔

یہ بھی پڑھیں: کفایت شعاری مہم: ارکان پنجاب اسمبلی کی تنخواہوں اور الاؤنسز میں 25 فیصد کمی، پیپر لیس ورکنگ اپنانے کا فیصلہ

ایف آئی اے اور ایف بی آئی تعاون

دوران ملاقات اس بات پر اتفاق کیا گیا کہ امریکا ایف آئی اے کو ایف بی آئی کی طرز پر جدید خطوط پر استوار کرنے میں تعاون فراہم کرے گا۔ وفاقی وزیر داخلہ محسن نقوی کا کہنا تھا کہ ایف آئی اے کو ایف بی آئی کی طرز پر جدید ترین ادارہ بنانا چاہتے ہیں، اس ضمن میں امریکا کے تعاون کا خیر مقدم کریں گے۔

یہ بھی پڑھیں: مریم نواز سیاسی مخالف ضرور ہیں لیکن بزدار سے کوئی موازنہ نہیں: شیر افضل مروت

قانون نافذ کرنے والے اداروں کی بہتری

امریکا نیشنل فرانزک ایجنسی کو جدید تقاضوں کے مطابق فعال کرنے میں بھی معاونت فراہم کرے گا، قانون نافذ کرنیوالے اداروں کی استعداد کار بڑھانے میں امریکی تعاون انتہائی اہم ہے۔

یہ بھی پڑھیں: مزید 2 ممالک آئندہ سال شینگن ممالک کا حصہ بننے کو تیار

عالمی اور داخلی سلامتی

محسن نقوی نے کہا کہ دہشتگردی اور ہنگامی حالات سے نمٹنے کیلئے سول آرمڈ فورسز کو جدید آلات اور سازوسامان کی فراہمی وقت کی ضرورت ہے، سول آرمڈ فورسز کو جدید آلات اور سازوسامان سے لیس کرنا ترجیح ہے، پاکستان اور امریکا کے مابین بہترین تعلقات کئی دہائیوں پر محیط ہیں۔

یہ بھی پڑھیں: ڈسکوز سپورٹ یونٹس کی کارکردگی، 2 لاکھ 21 ہزار مقامات پر بجلی چوری پکڑی، کتنے مقدمات اور گرفتاریاں ہوئیں؟ جانیے

غیر ملکیوں کی قانونی حیثیت

محسن نقوی کا مزید کہنا تھا کہ قانونی دستاویزات کے حامل کسی بھی غیر ملکی کو اسلام آباد سے نہیں نکالا جا رہا، غیر قانونی طور پر مقیم غیر ملکیوں کو اسلام آباد میں رہنے کی اجازت ہرگز نہیں دی جائے گی۔

یہ بھی پڑھیں: راولپنڈی میں 8 روز کیلئے دفعہ 144 نافذ

خواتین کی نمائندگی میں اضافہ

اس موقع پر قائم مقام امریکی سفیر نیٹلی بیکر نے کہا کہ قانون نافذ کرنے والے اداروں میں خواتین کی نمائندگی بڑھانے پر پاکستانی حکام کے ساتھ ملکر کام کر رہے ہیں۔

پولیس افسران کی تقریب

نیٹلی بیکر نے وفاقی وزیر داخلہ محسن نقوی کو پولیس افسران کی پاسنگ آو¿ٹ پریڈ کی پروقار تقریب کے انعقاد پر مبارکباد بھی دی۔ وفاقی سیکرٹری داخلہ خرم علی آغا اور ایڈیشنل سیکرٹری داخلہ رفعت مختار راجہ بھی اس موقع پر موجود تھے۔