عمران خان کو اقتدار میں لانے والوں میں فیض حمید سرفہرست تھے: خواجہ آصف

خواجہ آصف کا اہم بیان

اسلام آباد (ڈیلی پاکستان آن لائن) وزیر دفاع خواجہ آصف نے کہا ہے کہ بانی پی ٹی آئی عمران خان کو اقتدار میں لانے والوں میں لیفٹیننٹ جنرل ریٹائرڈ فیض حمید سرفہرست تھے۔

یہ بھی پڑھیں: پنجاب کے وزراء کندائی بند کے دورہ کیلئے روانہ

پارٹنر شپ کا انکشاف

نجی ٹی وی دنیا نیوز کے مطابق پارلیمنٹ ہاوس میں میڈیا سے گفتگو کرتے ہوئے خواجہ آصف کا کہنا تھا کہ ان دونوں کی پارٹنر شپ 9 مئی کو بھی تھی اور بعد میں بھی چلتی رہی، شہادتوں سے سامنے آئے گا کہ کس طرح 2018 میں دھاندلی کی گئی۔

یہ بھی پڑھیں: سپریم کورٹ کی بھارتی جارحیت کی شدید مذمت، معصوم شہداءکو خراج عقیدت

عمران خان کے دور اقتدار کے مسائل

انہوں نے کہا کہ بانی پی ٹی آئی کے دور اقتدار میں بہت سے سویلین کا ملٹری ٹرائل ہوا، عمران خان کے ملٹری ٹرائل کے بارے میں قانون فیصلہ کرے گا۔

یہ بھی پڑھیں: فخر زمان نے ہیڈ کوچ کی جانب سے اَن فٹ ہونے کے بیان کو مسترد کر دیا

ڈی چوک کی ہلاکتیں

خواجہ آصف کا کہنا تھا کہ ڈی چوک میں 12 ہلاکتوں کی بات کرتے ہیں لیکن رینجرز اور پولیس اہلکاروں کی بات نہیں کرتے، صوبائیت کا کارڈ کھیل رہے ہیں۔ یہ آخری کارڈ ہے، سول نافرمانی کی تحریک شروع بھی نہیں ہوگی، جس کے بچے پاکستان بیٹھے ہیں وہ پیسے کیوں نہیں بھیجے گا۔

یہ بھی پڑھیں: 70 فیصد جرائم کم ہو گئے، سی سی ڈی اور ٹیم کو شاباش، متحرک گینگز کی گرفتاری کی: آئی جی پنجاب

فیصل واوڈا کی وضاحت

خیال رہے کہ گزشتہ روز پروگرام "دنیا مہر بخاری کے ساتھ" میں گفتگو کرتے ہوئے سینیٹر فیصل واوڈا کا کہنا تھا کہ 9 مئی کی ساری پلاننگ بانی پی ٹی آئی نے کی، فیض حمید نے سہولت کاری کی، فیض حمید نے عمران خان کیخلاف سارے شواہد دے دیئے ہیں۔