عمران خان کو اقتدار میں لانے والوں میں فیض حمید سرفہرست تھے: خواجہ آصف

خواجہ آصف کا اہم بیان

اسلام آباد (ڈیلی پاکستان آن لائن) وزیر دفاع خواجہ آصف نے کہا ہے کہ بانی پی ٹی آئی عمران خان کو اقتدار میں لانے والوں میں لیفٹیننٹ جنرل ریٹائرڈ فیض حمید سرفہرست تھے۔

یہ بھی پڑھیں: دھاتی تار کا استعمال ہوا تو بسنت پر بجلی بند ہوگی، چیئرمین لسیکو عامر ضیاء کا عندیہ

پارٹنر شپ کا انکشاف

نجی ٹی وی دنیا نیوز کے مطابق پارلیمنٹ ہاوس میں میڈیا سے گفتگو کرتے ہوئے خواجہ آصف کا کہنا تھا کہ ان دونوں کی پارٹنر شپ 9 مئی کو بھی تھی اور بعد میں بھی چلتی رہی، شہادتوں سے سامنے آئے گا کہ کس طرح 2018 میں دھاندلی کی گئی۔

یہ بھی پڑھیں: نشے میں دھت شخص پٹاخوں کے ڈبے پر بیٹھنے کی شرط میں جان گنوابیٹھا

عمران خان کے دور اقتدار کے مسائل

انہوں نے کہا کہ بانی پی ٹی آئی کے دور اقتدار میں بہت سے سویلین کا ملٹری ٹرائل ہوا، عمران خان کے ملٹری ٹرائل کے بارے میں قانون فیصلہ کرے گا۔

یہ بھی پڑھیں: ہماری غلطیوں سے عمران خان کی سختیاں بڑھ رہی ہیں، ذمہ دار مرکزی قیادت ہے: شوکت یوسفزئی

ڈی چوک کی ہلاکتیں

خواجہ آصف کا کہنا تھا کہ ڈی چوک میں 12 ہلاکتوں کی بات کرتے ہیں لیکن رینجرز اور پولیس اہلکاروں کی بات نہیں کرتے، صوبائیت کا کارڈ کھیل رہے ہیں۔ یہ آخری کارڈ ہے، سول نافرمانی کی تحریک شروع بھی نہیں ہوگی، جس کے بچے پاکستان بیٹھے ہیں وہ پیسے کیوں نہیں بھیجے گا۔

یہ بھی پڑھیں: اے آئی کو فوجی مقاصد کے لیے استعمال میں لانے کے لیے امریکی محکمہ دفاع نے اوپن اے آئی سے معاہدہ کرلیا

فیصل واوڈا کی وضاحت

خیال رہے کہ گزشتہ روز پروگرام "دنیا مہر بخاری کے ساتھ" میں گفتگو کرتے ہوئے سینیٹر فیصل واوڈا کا کہنا تھا کہ 9 مئی کی ساری پلاننگ بانی پی ٹی آئی نے کی، فیض حمید نے سہولت کاری کی، فیض حمید نے عمران خان کیخلاف سارے شواہد دے دیئے ہیں۔