جاپان کا پاکستان میں انسداد پولیو مہم کیلئے 31 لاکھ ڈالر گرانٹ کا اعلان

جاپان کی جانب سے پاکستان کو انسداد پولیو مہم کے لیے گرانٹ

اسلام آباد(ڈیلی پاکستان آن لائن) جاپان نے پاکستان میں انسداد پولیو مہم کے لیے 31 لاکھ ڈالر گرانٹ کا اعلان کر دیا۔

یہ بھی پڑھیں: اسلام آباد ہائیکورٹ کی بلڈنگ کے پرفارمنس آڈٹ میں سنگین بے ضابطگیوں کا shocking انکشاف

گرانٹ کا استعمال اور معاہدے

نجی ٹی وی چینل ہم نیوز کے مطابق وزیر اعظم کی فوکل پرسن برائے انسداد پولیو عائشہ رضا فاروق نے کہا ہے کہ جاپان کی جانب سے ملنے والی گرانٹ 2025 کی پولیو مہمات میں استعمال ہو گی۔ انہوں نے کہا کہ پاکستان میں انسداد پولیو کے حوالے سے جاپان، جائیکا اور یونیسف کے درمیان معاہدے پر دستخط ہو گئے۔ ملنے والی گرانٹ سے 2 کروڑ سے زائد پولیو ویکسین کی خریداری کی جائے گی۔

یہ بھی پڑھیں: شک کی آنکھیں: ایک ماں کی کہانی جو اپنی بہو کی محبت کو سمجھ نہ سکی

پاکستان کے عزم اور حوصلے

عائشہ رضا فاروق نے کہا کہ جاپان کی مستقل حمایت کے ساتھ ہم پولیو کے خلاف اپنی کاوشوں کو مزید مضبوط کر رہے ہیں۔ وزیر اعظم شہباز شریف کی قیادت میں 2025 کے وسط تک پولیو کیسز کو صفر پر لانے کے عزم پر قائم ہیں۔

یہ بھی پڑھیں: ڈیوڈ وارنر نے بھارت کا مقابلہ کرنے کےلیے ٹیسٹ ریٹائرمنٹ ختم کرنے کی پیشکش کردی

پاکستان میں پولیو کی صورتحال

واضح رہے کہ رواں سال پاکستان میں اب تک 59 پولیو کیسز رپورٹ ہو چکے ہیں، جن میں سب سے زیادہ کیسز بلوچستان میں رپورٹ ہوئے۔ پاکستان دنیا کے ان دو ممالک میں شامل ہے جہاں سے ابھی تک پولیو کا خاتمہ ممکن نہیں ہو سکا۔ ملک میں پولیو کے کیسز میں حالیہ اضافے کے پیش نظر حکومت پاکستان اپنے شراکت داروں کے تعاون سے 2025 میں ایک وسیع اور سٹریٹجک ایکشن پلان پر عملدرآمد کے لیے پرعزم ہے جس کا مقصد بچوں میں اس مہلک بیماری کا خاتمہ ہے۔ انسداد پولیو مہم میں 5 سال سے کم عمر کے ساڑھے 4 کروڑ سے زائد بچے ہدف ہوتے ہیں۔

انسداد پولیو مہم کی تاریخیں

پنجاب کے 36 اضلاع میں انسداد پولیو مہم کا آغاز 16 دسمبر کو ہو گا۔ لاہور، راولپنڈی اور فیصل آباد میں انسداد پولیو مہم 22 دسمبر تک جاری رہے گی، جبکہ دیگر 33 اضلاع میں انسداد پولیو مہم 20 دسمبر تک جاری رہے گی۔ صوبے میں مہم کے دوران 2 کروڑ 33 لاکھ بچوں کو ویکسین کے قطرے پلانے کا ہدف مقرر ہے۔