گھروں میں کام کا جھانسہ دے کر لڑکیوں کو بلیک میل کرنے والے میاں بیوی گرفتار

راولپنڈی میں عصمت فروشی کا کیس

راولپنڈی (ڈیلی پاکستان آن لائن) راولپنڈی پولیس نے گھروں میں کام کا جھانسہ دے کر لڑکیوں کو عصمت فروشی پر مجبور کرنے والے تین ملزمان کو گرفتار کر لیا۔ ملزمان میں میاں بیوی اور ان کا بیٹا شامل ہے۔

یہ بھی پڑھیں: وزیر اطلاعات پنجاب عظمٰی بخاری کی کرائم رپورٹرزایسوسی ایشن اور پی یو جے کے نو منتخب عہدیداران کو مبارک باد

متاثرہ لڑکی کی شکایت

نجی ٹی وی سما کے مطابق، متاثرہ لڑکی کی درخواست پر تھانہ دھمیال پولیس نے ملزمان کے خلاف مقدمہ درج کیا۔ مدعیہ نے پولیس کو بتایا کہ ملزم نے اسے گھر کام کے لیے بلا کر اس کے ساتھ زیادتی کی ویڈیو بنائی اور اسے بلیک میل کیا۔

یہ بھی پڑھیں: گورنر سٹیٹ بینک نے مہنگائی بڑھنے کی رفتار میں اضافے کی پیشگوئی کردی

ملزمان کا کردار

مدعیہ نے مزید بتایا کہ ملزم کے ساتھ اس کی اہلیہ ثمینہ اور فرزانہ نام کی ایک اور عورت بھی ملوث ہے۔ ملزم نے اس کی کزن کو بھی کام کے بہانے بلایا اور اسے بھی زیادتی کا نشانہ بنا کر عصمت فروشی پر مجبور کیا۔

پولیس کی کارروائی

مدعیہ کی درخواست پر تھانہ دھمیال پولیس نے ملزمان عامر عباس، اس کی اہلیہ ثمینہ اور بیٹے زمان کو گرفتار کر لیا ہے۔ متاثرہ لڑکی کے میڈیکل پراسس کا آغاز بھی کر دیا گیا ہے۔