حقیقی والدین کا پیار اور چاہت بچوں کیلئے سب سے اہم ہے،لے پالک بچی کی حوالگی کا فیصلہ کالعدم قرار دینے کی استدعا مسترد

لاہور ہائیکورٹ کا فیصلہ

لاہور(ڈیلی پاکستان آن لائن)لاہور ہائیکورٹ نے لے پالک بچی کی حوالگی کا فیصلہ کالعدم قرار دینے کی استدعا مسترد کردی۔ جسٹس چودھری محمد اقبال نے 6 صفحات پر مشتمل تحریری فیصلہ جاری کردیا۔

یہ بھی پڑھیں: دیکھیں گے کتنی سرکاری رہائش گاہوں پر ریٹائرڈ ججز قابض ہیں؟ لاہور ہائیکورٹ

حقیقی والدین کی اہمیت

نجی ٹی وی چینل کے مطابق، فیصلے میں کہا گیا ہے کہ حقیقی والدین کے ہوتے ہوئے بچی کی کسٹڈی لے پالک والدین کو نہیں دی جا سکتی۔ حقیقی والدین کا پیار اور چاہت بچوں کیلئے سب سے اہم ہے۔ بچوں کو گود لینا بے لوث کام ہے جس سے بچے کو نئی زندگی اور پہچان ملتی ہے۔ حقیقی والدین کا کردار بچوں کی پہچان کیلئے بہت اہم ہے۔

کیس کی تفصیلات

عدالت نے کہا کہ 2018 میں حقیقی والدین کے گھر جڑواں لڑکیوں کی پیدائش ہوئی۔ لڑکیوں کی سگی خالہ اور اس کے شوہر نے ایک بچی کو گود لینے کی درخواست کی۔ حقیقی والدین نے ایک بچی عارضی طور پر سگی خالہ کو دے دی۔