پیپلز پارٹی کے سینئر رہنما تاج حیدر انتقال کرگئے

تاج حیدر کا انتقال

کراچی (ڈیلی پاکستان آن لائن) پاکستان پیپلز پارٹی (پی پی پی) کے سینئر رہنما تاج حیدر مختصر علالت کے بعد 83 برس عمر میں انتقال کر گئے۔

یہ بھی پڑھیں: وہ چیز جسے بند کرنے کیلئے وزارت داخلہ نے پی ٹی اے کو خط لکھ دیا

تاج حیدر کی ابتدائی زندگی

تاج حیدر 8 مارچ 1942 کو کوٹہ، راجستھان کے ایک علمی گھرانے میں پیدا ہوئے۔ انہوں نے ابتدائی تعلیم گورنمنٹ بوائز ہائی سکول، رنچھور لائنز کراچی سے حاصل کی۔ انہوں نے ٹیلی وژن کے لیے لکھا اور مختلف اخبارات میں کالم بھی تحریر کیے۔

پاکستان پیپلز پارٹی میں شمولیت

تاج حیدر نے 1967ء میں باقاعدہ طور پر پاکستان پیپلز پارٹی میں شمولیت اختیار کی۔ انہیں 2012 میں ستارہِ امتیاز برائے سائنسی خدمات سے نوازا گیا جبکہ 2006 میں 13واں پی ٹی وی ایوارڈ برائے مصنف بہترین ڈراما سیریل بھی دیا گیا۔