پی ڈی ایم اے صوبے میں واٹر ایمرجنسی ڈیکلیریشن کو یقینی بنائے: لاہور ہائیکورٹ

لاہور ہائی کورٹ کا حکم

لاہور(ڈیلی پاکستان آن لائن) لاہور ہائی کورٹ نے ہدایت کی ہے کہ پی ڈی ایم اے صوبے میں واٹر ایمرجنسی ڈیکلیریشن کو یقینی بنائے۔

یہ بھی پڑھیں: آئی جی اور سی سی پی او کو پلاٹس کی الاٹمنٹ، پنجاب پولیس کا موقٔف سامنے آگیا

سموگ تدارک کیس کی سماعت

نجی ٹی وی چینل دنیا نیوز کے مطابق لاہور ہائیکورٹ کے جسٹس شاہد کریم نے سموگ تدارک کیس کی گزشتہ سماعت کا تحریری حکمنامہ جاری کر دیا۔

یہ بھی پڑھیں: برطانیہ: لڑکیوں سے زیادتی کرنے والے 20 ملزمان کو مجموعی طور پر 219 سال قید کی سزا

پانی کی سنگین صورتحال کی رپورٹ

حکم نامہ کے مطابق ڈی جی پی ڈی ایم اے نے پانی کی سنگین صورتحال سے متعلق رپورٹ جمع کرائی۔ رپورٹ میں پاکستان میٹرولوجیکل ڈیپارٹمنٹ کی پنجاب بھر میں خشک سالی کی الرٹ کا تذکرہ کیا گیا ہے، خشک سالی کے الرٹ میں دریاؤں میں جمع شدہ پانی کی انتہائی کمی کی جانب اشارہ کیا گیا ہے۔ یہ زیر زمین پانی کے حوالے سے ایک خطرناک صورتحال ہے، سٹیک ہولڈرز کو فوراً اقدامات اٹھانے چاہئیں۔

یہ بھی پڑھیں: اسد زمان، ابو بکر، حیدر، اور سلار نے ایچی سن کالج جونیئر ٹینس چیمپئن شپ سیمی فائنل میں جگہ بنا لی

کمیٹی کی تشکیل اور رپورٹ

تحریری حکم نامہ میں لکھا گیا کہ رپورٹ میں تمام اداروں کی پی ڈی ایم اے کے ساتھ بہتر کوآرڈینیشن کیلئے کمیٹی کی نامزدگی کا بھی حوالہ دیا گیا ہے۔ کمیٹی پانی کے حوالے سے اٹھائے گئے اقدامات سے متعلق رپورٹ جمع کرائے، پی ڈی ایم اے پنجاب بھر میں واٹر ایمرجنسی ڈیکلیئر کرنے کو یقینی بنائے۔ ڈی جی پی ڈی ایم اے اس معاملے پر غور و خوض کیلئے پنجاب کابینہ کو ایک سمری بھیجیں۔

یہ بھی پڑھیں: خیبر: انسداد منشیات آپریشن جاری، 10 ماہ کے دوران ڈیڑھ ہزار کلو سے زائد منشیات برآمد

کوآپریٹو سوسائٹیز کا حکم

حکم نامہ میں یہ بھی لکھا گیا کہ وکیل پنجاب حکومت نے جوائنٹ رجسٹرار کوآپریٹو سوسائٹیز لاہور کا آرڈر عدالت میں پیش کیا۔ آرڈر میں تمام کوآپریٹو سوسائٹیز کو پانی کے بچاؤ کے حوالے سے فوری اقدامات کرنے کا حکم دیا گیا ہے۔

یہ بھی پڑھیں: سلام دعا کے بعد میں نے کہا “سر! آپ بہت کم ظرف انسان ہیں” ان کے چہرے سے مسکراہٹ یوں غائب ہوئی جیسے کبھی آئی ہی نہیں تھی.

پائپ کے استعمال پر پابندی

تحریری حکمنامہ میں کہا گیا کہ کوآپریٹو ڈیپارٹمنٹ کی جانب سے رہائشی علاقوں میں پائپ کے استعمال اور گاڑیاں دھونے پر پابندی کے حوالے سے ایک اور حکم جاری کیا جائے گا۔ نئے آرڈر میں نہ صرف رہائشیوں بلکہ متعلقہ سوسائٹی کی انتظامیہ پر جرمانے کا بھی ذکر کیا جائے گا۔

کیس کی مزید سماعت

عدالت نے واٹر ایمرجنسی پر غور و خوض کیلئے ڈی جی پی ڈی ایم اے کو پنجاب کابینہ کو سمری بھیجنے کی ہدایت کرتے ہوئے کیس کی مزید سماعت 11 اپریل تک ملتوی کر دی۔