لاہور میں وائرل انفیکشن کے کیسز ممکنہ کورونا وائرس قرار

لاہور میں وائرل انفیکشن کی صورتحال

لاہور(ڈیلی پاکستان آن لائن) لاہور میں وائرل انفیکشن کے مریض سامنے آنے لگے۔ تیز بخار، کھانسی، جسم میں درد کی شکایات کے مریضوں کو طبی ماہرین نے ممکنہ کورونا وائرس قرار دے دیا۔

یہ بھی پڑھیں: بھارتی ٹیم کے سابق کھلاڑی کے بیٹے نے اپنی جنس تبدیل کروا لی، سوشل میڈیا پر ہنگامہ

مریضوں کی بڑھتی ہوئی تعداد

نجی ٹی وی سما نیوز کے مطابق لاہور میں وائرل انفیکشن پھیلنے لگا۔ گزشتہ 3 ہفتوں میں سینکڑوں مریض سرکاری اور نجی ہسپتالوں، کلینکس میں رپورٹ ہوگئے۔ طبی ماہرین نے ممکنہ کورونا وائرس کا پھیلاؤ قرار دے دیا۔

یہ بھی پڑھیں: پرائیویٹ سکول ماہانہ اور داخلہ فیس کے علاوہ اضافی فیسیں وصول نہیں کرسکتے، نوٹیفیکیشن جاری

سیمptoms اور ٹیسٹنگ کی کمی

مریضوں کو تیز بخار، کھانسی، جسم میں درد کی شکایات ہیں۔ مگر طبی ماہرین کے مطابق وائرس کی متعدد قسمیں سامنے آنے پر اب کورونا ٹیسٹ کا مشورہ نہیں دیتے۔ نجی لیبارٹریز کے مطابق لوگ کورونا ٹیسٹ نہیں کروا رہے۔ محکمہ صحت پنجاب بھی ٹیسٹ نہیں کر رہا۔

ماہرین کی تجاویز

ہیڈ آف پلمنولوجی، میڈیکل یونیورسٹی پروفیسر عرفان ملک کا کہنا ہے کہ کورونا وائرس کا پھیلاو ہو رہا ہے، لوگ ہسپتالوں میں داخل ہورہے۔

طبی ماہرین نے شہریوں کو رش کے مقامات میں ماسک کا استعمال کرنے، علامات ظاہر ہونے پر قرنطینہ کرنے کا مشورہ دیا ہے۔