بیوٹی پارلر میں کام کرنیوالی “محبوبہ” سے ملنے کے لیے آیا نوجوان رکشہ ڈرائیور سمیت قتل، ساری کہانی سامنے آگئی

سیالکوٹ میں غیرت کے نام پر قتل

سیالکوٹ(آئی این پی) ڈسکہ میں غیرت کے نام پر باپ نے بیٹی کے دوست اور رکشہ ڈرائیور کو قتل کردیا اور واردات کو ڈکیتی کا رنگ دینے کی ناکام کوشش کی۔

یہ بھی پڑھیں: محمد رضوان کے کپتان بننے پر شعیب ملک کا رد عمل

واقعہ کی تفصیلات

میڈیارپورٹ کے مطابق ڈسکہ کے نواحی علاقے رحمت پورہ میں دہرے قتل کا واقعہ پیش آیا ہے جس میں باپ نے اپنی بیٹی کے دوست اور ایک رکشہ ڈرائیور کو گولیاں مار کر قتل کردیا۔ رپورٹ کے مطابق رحمت پورہ کی رہائشی لڑکی جو ایک بیوٹی پارلر چلاتی تھی اس کی دوستی طلحہ نامی نوجوان سے ہوگئی جس کا لڑکی کے والد کو علم ہوگیا۔

یہ بھی پڑھیں: ویلڈن! شاباش! قوم کو آپ پر فخر ہے! وزیر داخلہ محسن نقوی پولیس اور ایف سی جوانوں کا حوصلہ بڑھانے ڈی چوک پہنچ گئے

قتل کی منصوبہ بندی

بعد ازاں باپ نے بیٹی کے دوست طلحہ کو بیٹی سے فون کروا کر گھر بلایا تو وہ نوجوان ایک رکشہ میں بیٹھ کر ملنے آیا۔ رکشہ ڈرائیور محض ملزم کی بیٹی کے دوست کو چھوڑنے آیا تھا۔ جیسے ہی رکشہ رکا تو ملزم نے دونوں پر فائرنگ کردی جس کے نتیجے میں دونوں موقع پر ہی دم توڑ گئے۔

ملزم کی گرفتاری

واردات کے بعد ملزم نے واقعہ کو ڈکیتی کا رنگ دینے کیلئے خود پولیس کو فون کیا، تاہم ابتدائی تفتیش میں ہی اس نے سچ اگل کر اعتراف جرم کرلیا۔ ڈسکہ پولیس نے دونوں باپ بیٹی کو حراست میں لے کر ان کے خلاف مقدمہ درج کرلیا۔ مقتولین کی لاشیں پوسٹ مارٹم کے بعد ورثا کے حوالے کردی گئیں، مزید قانونی کارروائی جاری ہے۔