سرکاری ہسپتالوں میں سٹیٹ آف دی آرٹ ریفرل سسٹم نافذ کرنے کا فیصلہ، وزیراعلیٰ مریم نوازنے جامع پلان طلب کر لیا

پنجاب میں سٹیٹ آف دی آرٹ ریفرل سسٹم کا نفاذ

لاہور (ڈیلی پاکستان آن لائن) پنجاب کے سرکاری ہسپتالوں میں سٹیٹ آف دی آرٹ ریفرل سسٹم نافذ کرنے کا فیصلہ کر لیا گیا ہے۔ وزیراعلیٰ پنجاب مریم نواز نے ریفرل سسٹم کے نفاذ کے لئے جامع منصوبہ طلب کر لیا ہے۔

یہ بھی پڑھیں: سیالکوٹ میں بہو کے قتل کی تحقیقات مکمل، لرزہ خیز انکشافات

مریضوں کا بے جا لوڈ کم کرنے کے اقدامات

تفصیلات کے مطابق، مراکز صحت، ہیلتھ کلینک اور چھوٹے ہسپتالوں سے سپیشلائزڈ ہسپتالوں میں مریضوں کا بے جا لوڈ کم کرنے کے لئے فول پروف ریفرل سسٹم نافذ کیا جائے گا۔ وزیراعلیٰ مریم نواز کی زیر صدارت ایک خصوصی اجلاس منعقد ہوا جس میں ہیلتھ ریفارمز کا جائزہ لیا گیا۔

یہ بھی پڑھیں: انسداد دہشتگردی عدالت ؛پی ٹی آئی سوشل میڈیا ایکٹوسٹ حیدر سعید کی ضمانت بعدازگرفتاری منظور

سٹیٹ آف دی آرٹ میڈیکل سٹی کا قیام

اجلاس میں فیصلہ کیا گیا کہ ٹیکساس، جدہ، دوحہ کی طرز پر لاہور میں سٹیٹ آف دی آرٹ میڈیکل سٹی قائم کی جائے گی۔ عالمی معیار کے میڈیکل سٹی کے قیام کے لیے پروفیشنل کنسلٹنٹ کی خدمات حاصل کی جائیں گی۔ میڈیکل سٹی لاہور میں بہترین پرائیویٹ ہسپتال قائم کرنے کے لیے حکومت پنجاب بنیادی سہولتیں فراہم کرے گی۔

یہ بھی پڑھیں: نام نہاد پرامن احتجاج کی آڑ میں پولیس، رینجرز پر حملے قابل مذمت ہیں، وزیراعظم کا رینجرز اہلکاروں کی شہادت پر اظہار افسوس

اراضی مختص کرنے کی ہدایت

وزیراعلیٰ مریم نواز نے میڈیکل سٹی لاہور کے لئے مناسب مقام پر اراضی مختص کرنے کی ہدایت کی۔ اجلاس میں میڈیکل سٹی اتھارٹی کے قیام کی اصولی منظوری دی گئی۔ اجلاس میں ہر ڈویژنل ہیڈکوارٹر میں میڈیکل سٹی قائم کرنے کا بھی اصولی فیصلہ کیا گیا۔

یہ بھی پڑھیں: نواز شریف کے بیٹے حسن نواز کو لندن ہائیکورٹ نے دیوالیہ قرار دے دیا

حفاظتی سہولیات اور ہنگامی ہیلپ لائن

وزیراعلیٰ مریم نواز نے ڈسٹرکٹ لیول پر سٹیٹ آف دی آرٹ میڈیکل فیسلٹی قائم کرنے کے لئے اقدامات کی ہدایت کی۔ سرکاری ہسپتالوں سے متعلق امور کے لئے خصوصی ہیلپ لائن 999 بھی قائم کی جائے گی۔

یہ بھی پڑھیں: حکومت پر پیٹرولیم مصنوعات پر 70 روپے تک لیوی لینے کی پابندی ختم، آرڈیننس جاری

ہیلتھ ریفارمز کی پیشرفت

اجلاس میں سیکرٹری سپیشلائزڈ ہیلتھ اینڈ میڈیکل ایجوکیشن نے ہیلتھ ریفارمز کے بارے میں تفصیلی بریفنگ پیش کی۔ بریفنگ میں بتایا گیا کہ سرکاری ہسپتالوں میں انفیکشن کنٹرول کے سلسلے میں 92 فیصد بہتری آئی ہے جبکہ ادویات کی فراہمی کے عمل میں بھی 92 فیصد بہتری کا مشاہدہ کیا گیا ہے۔

یہ بھی پڑھیں: قتل عام کے مجرموں سے اولمپک چیمپئن تک: روس کس طرح خطرناک مجرموں کو رہا کر کے فوجیوں کی کمی کو پورا کر رہا ہے؟

مریضوں کی سہولیات میں بہتری

لاہور کے ہسپتالوں میں مریضوں کو دستیاب سہولتوں میں 83 فیصد بہتری اور ڈییوٹی روسٹر ڈسپلے احکامات پر 75 فیصد عملدرآمد ہورہا ہے۔ ہسپتالوں میں مریضوں کے شکایات کے ازالے کے سسٹم میں 75 فیصد، کیو (queue) مینجمنٹ سسٹم میں 71 فیصد اور صفائی کے امور میں 84 فیصد بہتری نوٹ کی گئی ہے۔

وزیراعلیٰ کا عزم

وزیراعلیٰ مریم نواز نے کہا کہ ہسپتالوں میں مریضوں کو سٹیٹ آف دی آرٹ سروسز فراہم کرنے کے لیے پرعزم ہیں۔