ایف آئی اے کی کارروائی، انسانی سمگلرزسمیت چارایجنٹ گرفتار

ایف آئی اے کی کارروائی

گوجرانوالہ (ڈیلی پاکستان آن لائن) فیڈرل انویسٹی گیشن ایجنسی (ایف آئی اے) نے کارروائی کر کے سمندر کے راستے شہریوں کو یورپ بھجوانے میں ملوث سمگلرز سمیت 4 ایجنٹ گرفتار کر لئے۔

یہ بھی پڑھیں: گیس لیکج کے باعث دھماکہ، سابق سینیٹر عباس آفریدی سمیت 3 افراد زخمی

گرفتاری کی تفصیلات

نجی ٹی وی دنیا نیوز نے ترجمان کے حوالے سے بتایا کہ ایف آئی اے گوجرانوالہ زون نے گوجرانوالہ اور گجرات کے مختلف علاقوں میں کارروائیاں کرتے ہوئے ملزمان کو گرفتار کیا، جن کی شناخت بشارت حسین، شاہ زیب عرف سونو، مظہر اقبال اور شاہد رسول کے ناموں سے ہوئی۔

یہ بھی پڑھیں: پاکستان اور بھارت نے بڑھتی کشیدگی کے باوجود جنگ بندی پر اتفاق کیا اور۔۔‘‘ امریکی تجزیہ کار نے اہم بیان جاری کر دیا

گرفتار ملزمان کی سرگرمیاں

حکام کا کہنا ہے کہ گرفتار ملزم بشارت حسین نے شہری کو سمندر کے راستے اٹلی بھجوانے کے لئے 60 لاکھ روپے سے زائد وصول کئے، لیکن یونان کے بجائے لیبیا بھجوایا۔ ملزم اور اس کے ساتھیوں نے شہری کو لیبیا کے سیف ہاؤسز میں محصور رکھ کر تاوان کا مطالبہ کیا۔

ملزم نے شہری کو کشتی کے ذریعے غیر قانونی طور پر لیبیا سے یونان سمگل کرنے کی کوشش کی، جس پر شہری نے سمندر کے راستے یورپ جانے سے انکار کر دیا اور پاکستان واپس آ گیا۔

یہ بھی پڑھیں: انتہا پسند ہندوؤں اور یہودیوں نے پاکستان کے خلاف محاذ کھول دیا، ’’سازشی مہم‘‘ کیسے اور کہاں سے چلائی جا رہی ہے ؟ تہلکہ خیز انکشافات

دیگر ملزمان کی سرگرمیاں

ترجمان کے مطابق انسانی سمگلر شاہ زیب نے شہریوں کو کینیڈا بھجوانے کے لئے 80 لاکھ روپے فی کس ہتھیائے، اور شہریوں کو دھوکے سے کینیڈا کے بجائے ایران بھجوا دیا، جہاں انہیں محصور کر کے تاوان کا مطالبہ کیا گیا۔

مزید یہ کہ ملزم مظہر اقبال نے شہری کو کینیڈا میں ملازمت دلوانے کے لئے 94 لاکھ روپے ہتھیائے جبکہ ملزم شاہد رسول نے شہری کو کینیڈا ملازمت کا جھانسہ دے کر 20 لاکھ روپے سے زائد وصول کئے۔

تفتیشی کارروائی

ترجمان ایف آئی اے کا کہنا تھا کہ چاروں ملزمان شہریوں کو بیرون ملک بھجوانے میں ناکام رہے اور روپوش ہوگئے۔ ملزمان کو گرفتار کر کے تفتیش کا آغاز کر دیا گیا ہے۔