پنجاب پولیس کے 8 سرچ اینڈ سویپ آپریشنز، 498 افراد سے پوچھ گچھ، 4 مشتبہ افراد گرفتار

پنجاب پولیس کے آپریشنز کا تسلسل

لاہور (ڈیلی پاکستان آن لائن) پنجاب پولیس کے انٹیلی جنس بیسڈ سرچ، سویپ اینڈ کومبنگ آپریشنز جاری ہیں۔ گذشتہ 24 گھنٹوں کے دوران 8 سرچ اینڈ سویپ آپریشنز کیے گئے جن میں 498 افراد سے پوچھ گچھ کی گئی اور 4 مشتبہ افراد کو گرفتار کیا گیا۔

یہ بھی پڑھیں: پاکستان تحریک انصاف اندرونی خلفشار کا شکار، حقائق سامنے آنے لگے

آپریشنز کی تفصیلات

ترجمان پنجاب پولیس نے تفصیلات فراہم کرتے ہوئے بتایا کہ 371 کومبنگ آپریشنز کے دوران 12,235 مشتبہ افراد کی چیکنگ کی گئی۔ ان میں سے 42 مشکوک افراد کو حراست میں لیا گیا۔ سرچ آپریشنز کے دوران سنگین جرائم میں ملوث 226 اشتہاری، 88 عدالتی مفرور، اور 48 عادی مجرمان گرفتار کیے گئے۔ جرائم پیشہ اور مشتبہ افراد کے قبضے سے بڑی تعداد میں ناجائز اسلحہ اور گولیاں برآمد کی گئیں۔ اس دوران 02 مجرمان کیفر کردار کو پہنچے اور 03 زخمی حالت میں گرفتار ہوئے۔

آئی جی پنجاب کی جانب سے بیان

آئی جی پنجاب ڈاکٹر عثمان انور نے کہا کہ دہشت گردوں اور جرائم پیشہ عناصر کی سرکوبی کے لئے پنجاب پولیس کی فرضی مشقیں بھی جاری ہیں۔ ان مشقوں میں پنجاب پولیس، سی ٹی ڈی، سپیشل برانچ، ایلیٹ فورس، ریسکیو 1122، اور دیگر قانون نافذ کرنے والے ادارے شریک ہو رہے ہیں۔