ڈمپرز حادثات: گاڑیاں جلانے والے افراد کو گرفتار کرنے کا حکم دیا ہے، وزیر داخلہ سندھ

وزیر داخلہ سندھ کے بیانات

کراچی(ڈیلی پاکستان آن لائن) وزیرداخلہ سندھ ضیا لنجار نے کہا ہے کہ پولیس کو گاڑیاں جلانے والے افراد کو گرفتار کرنے کے احکامات دیے ہیں۔

یہ بھی پڑھیں: پشاور ہائیکورٹ کا آئینی ترامیم کیخلاف درخواستوں پر لارجر بینچ تشکیل دینے کا عندیہ

ڈرائیوروں کے خلاف سختی

نجی ٹی وی جیونیوز کے مطابق صوبائی وزیر داخلہ نے ڈمپر حادثات پر اظہار افسوس کرتے ہوئے کہا کہ حادثات میں ملوث ڈرائیوروں کو گرفتار کرنے کے واضح احکامات ہیں۔ تاہم کسی کو بھی ڈمپرز یا ہیوی گاڑیوں کو جلانے کی اجازت نہیں ہے۔

یہ بھی پڑھیں: ڈاکٹر شاہنواز کے غیر قانونی قتل کی عدالتی تحقیقاتی سفارش

امن کی بحالی کی کوششیں

انہوں نے کہا کہ جو بھی شہر کا امن خراب اور دہشت پھیلانے میں ملوث ہے، اسے گرفتار کیا جائے گا۔ پولیس کو گاڑیاں جلانے والے افراد کو گرفتار کرنے کے احکامات دیے گئے ہیں۔

یہ بھی پڑھیں: مراد سعید کی وزیراعلی ہاؤس پشاور میں موجودگی کے حکومتی دعوے پر خیبرپختونخوا حکومت کا ردعمل بھی آگیا

گورنر سندھ کا دورہ

دوسری جانب گورنر سندھ کامران ٹیسوری نے رات گئے شہر کے مختلف علاقوں کا دورہ کیا۔ انہوں نے کہا کہ ہیوی ٹریفک سے اموات پر شہریوں کا غصہ برحق ہے مگر قانون شکنی نہ ہو۔ انہوں نے مزید کہا کہ قانون کی بالادستی یقینی بنائیں اور اشتعال انگیزی سے گریز کریں۔ وہ سڑکوں پر اسی لئے نکلے ہیں تاکہ لوگوں میں تحفظ کا احساس رہے۔

حفاظتی اعداد و شمار

واضح رہے کہ کراچی میں 99 روز میں ہیوی گاڑیوں کی ٹکر سے جاں بحق افراد کی تعداد 78 ہوگئی ہے جبکہ رواں سال اب تک ٹریفک حادثات میں جاں بحق افراد کی تعداد 256 ہوچکی ہے۔