پاکستان انڈر 23 ورلڈ سکواش کا چیمپئن بن گیا

پاکستان انڈر 23 ورلڈ سکواش چیمپئن بن گیا

کراچی (ڈیلی پاکستان آن لائن) پاکستان انڈر 23 ورلڈ سکواش کا چیمپئن بن گیا۔

فائنل کا مقابلہ

تفصیلات کے مطابق پاکستان کے نور زمان نے مصر کے کریم الترکی کو 2 کے مقابلے میں 3 گیم سے شکست دی۔ پاکستان سکواش فیڈریشن اور سندھ سکواش ایسوسی ایشن کے زیر اہتمام ڈی ایچ اے کریک کلب میں کھیلی گئی چیمپئن شپ کے 5 گیمز پر مشتمل فائنل میں پاکستان کے نور زمان نے 2 صفر کے خسارے سے کم بیک کے بعد 3 سیٹ سے کامیابی حاصل کی۔

نور زمان کی کامیابی پر ردعمل

"جیو نیوز" کے مطابق شاندار فتح کے بعد نور زمان کا کہنا تھا کہ 2 صفر کے خسارے کے بعد سوچ یہی تھی کہ اپنے گیم پر فوکس کروں، آخری وقت تک فائٹ کرنے کا ذہن میں تھا۔ بس سوچا تھا کہ جو محنت کی اس کو ثابت کروں۔

وزیراعلیٰ سندھ کی مبارکباد

وزیراعلیٰ سندھ نے انڈر 23 ورلڈ سکواش چیمپن شپ کا فائنل جیتنے پر نور زمان کو مبارکباد دی اور کہا کہ مقابلہ انتہائی دلچسپ تھا، دیکھنے میں بڑا لطف آیا، نور زمان نے بڑی مہارت سے کھیلا اور جیت اپنے نام کی۔