کراچی کا موسم گرم رہنے اور تیز ہوائیں چلنے کی پیشگوئی

محکمہ موسمیات کی پیشگوئی

کراچی (آئی این پی) محکمہ موسمیات نے آئندہ 24 گھنٹوں کے دوران شہر کا موسم گرم اور مرطوب رہنے کا امکان ظاہر کیا ہے۔

یہ بھی پڑھیں: جنگلی جانوروں کے گوشت کے استعمال کا اعتراف، بھارتی اداکارہ بڑی مشکل میں پھنس گئی

درجہ حرارت کی صورتحال

محکمہ موسمیات کے مطابق آج شہر کا کم سے کم درجہ حرارت 25.5 ڈگری سینٹی گریڈ ریکارڈ کیا گیا اور زیادہ سے زیادہ درجہ حرارت 33 سے 35 ڈگری سینٹی گریڈ تک رہنے کا امکان ہے۔

یہ بھی پڑھیں: بجلی ہو نہ ہو، ادائیگی کرنا ہوگی، نیپرا نے کے الیکٹرک صارفین پر بم گرادیا

نمی اور ہواؤں کی تفصیلات

محکمہ موسمیات نے بتایا کہ ہوا میں نمی کا تناسب 77 فیصد ہے اور شمال مغرب سے ہوائیں 12 کلومیٹر فی گھنٹہ کی رفتار سے چل رہی ہیں۔

یہ بھی پڑھیں: اوہامہ کی سیکیورٹی پر تعینات خواتین اہلکار آپس میں لڑ پڑیں

موسمیاتی تجزیہ

کراچی کے مضافات میں گرج چمک کے بادل بننے کا امکان موجود ہے۔ موسمیاتی تجزیہ کار جواد میمن نے بھی کراچی کے موسم کے حوالے سے بتایا کہ موسم گرم اور مرطوب رہے گا، تاہم شہر میں دوپہر میں وقفے وقفے سے تیز ہوائیں چل سکتی ہیں۔

ہواؤں کی رفتار

موسمیاتی تجزیہ کار کے مطابق ہواؤں کی رفتار 30 سے 35 کلومیٹر فی گھنٹہ تک ہوسکتی ہے۔ گرم موسم اور نم ہواؤں کے باعث مضافات میں گرج چمک کے بادل بن سکتے ہیں۔