پنجاب: ٹرانسجینڈرز کیلئے ٹیکنیکل سکلز کی ٹریننگ کا جامع پروگرام شروع
پنجاب میں ٹرانس جینڈرز کے لئے نئی پہل
لاہور(ڈیلی پاکستان آن لائن) پنجاب کی تاریخ میں پہلی مرتبہ ٹرانس جینڈرز کیلئے ٹیکنیکل سکلز کی ٹریننگ کا جامع پروگرام شروع ہوگیا۔
یہ بھی پڑھیں: ڈاک دھیان سے پڑھیں، کام دفتری بابوؤں پر مت چھوڑ دیں، سیکھیں، سمجھیں اور فیصلہ کریں، یاد رکھیں وہ شخص کسی سے کام نہیں لے سکتا جسے خود کام نہ آتا ہو
نئے مواقع کی فراہمی
نجی ٹی وی چینل دنیا نیوز کے مطابق ٹرانس جینڈر کمیونٹی کے لئے باعزت اور باوقار زندگی گزارنے کے راستے کھل گئے۔ ٹیکنیکل سکلز کی ٹریننگ کے جامع پروگرام کے تحت 1600 ٹرانس جینڈرز کیلئے پہلے مرحلے میں خصوصی طور پر پنجاب سکلز ڈویلپمنٹ فنڈ پروگرام کے ذریعے مختلف فنون سکھائے جائیں گے۔
یہ بھی پڑھیں: کووِڈ کی واپسی، بھارت میں فعال کیسز کی تعداد 4 ہزار سے تجاوز کرگئی
اقتصادی خود مختاری کی کوششیں
ٹرانس جینڈرز کو آئی ٹی، فری لانسنگ کی ٹریننگ کے ذریعے معاشی طور پر خود مختار بنایا جائے گا۔ پنجاب میں پہلی مرتبہ ٹرانس جینڈرز کے لئے ہیلتھ کیئر اسسٹنٹ سکل ٹریننگ کا اہتمام کیا جائے گا۔
یہ بھی پڑھیں: جب بھی میں سرد راتوں کو لحاف اٹھانے جاتی ہوں۔۔۔
نئی مہارتوں کی سیکھنے کا موقع
باعزت روزگار کمانے کیلئے ٹرانس جینڈرز کو ٹیلرنگ اور فیشن ڈیزائننگ بھی سکھائی جائے گی۔ اس کے علاوہ ٹرانس جینڈر کمیونٹی کو الیکٹریکل ورک، سولر ٹیکنالوجی، بیوٹی سروسز اور کُلنری آرٹس کی ٹریننگ بھی دی جائے گی۔
یہ بھی پڑھیں: گیس لوڈ شیڈنگ کا نیا شیڈول جاری کر دیا گیا
وزیراعلیٰ پنجاب کا بیان
وزیراعلیٰ پنجاب مریم نواز کا کہنا ہے کہ ٹرانس جینڈرز کے ساتھ بے رحمانہ رویہ افسوسناک ہے، اور وہ سماجی بائیکاٹ اور مناسب روزگار نہ ملنے کی وجہ سے بھیک مانگنے پر مجبور ہیں۔ ان کو سکل سکھا کر ثابت کریں گے کہ ٹیلنٹ کا کوئی جینڈر نہیں۔
معاشرتی مقام کی جدوجہد
انہوں نے کہا کہ ٹرانس جینڈرز کی ٹریننگ ہی نہیں بلکہ معاشرے میں باوقار مقام دینے کی جدوجہد کر رہے ہیں۔ انقلابی ووکیشنل ٹریننگ پروگرام سے ٹرانس جینڈرز کی زندگیاں بدل رہی ہیں۔
