خاتون مسافر کی طبیعت خراب، دبئی سے ڈھاکا جانیوالے طیارے کی کراچی میں ایمرجنسی لینڈنگ

میڈیکل ایمرجنسی پرواز کے دوران

کراچی (ڈیلی پاکستان آن لائن) دبئی سے ڈھاکا کی پرواز کے دوران ایک خاتون مسافر کی طبیعت خراب ہونے پر طیارے نے کراچی میں ایمرجنسی لینڈنگ کی۔

یہ بھی پڑھیں: اختر مینگل نے لکپاس دھرنا ختم کرنے کا اعلان کر دیا

طیارے کی صورتحال

نجی ٹی وی جیو نیوز کے مطابق، غیر ملکی ایئر لائن کی پرواز ایف زیڈ 501 دبئی سے ڈھاکا جارہی تھی کہ بھارتی فضائی حدود میں ایک بنگلہ دیشی خاتون مسافر کی طبیعت اچانک خراب ہوگئی۔

یہ بھی پڑھیں: رمضان المبارک میں اشیائے خوردونوش کی قیمتوں میں کمی، ذخیرہ اندوزی کے خاتمے اور خصوصی رمضان پیکج کے اعلان کی اشد ضرورت ہے، سراج الحق

ایمرجنسی لینڈنگ کی کارروائی

پائلٹ نے انسانی ہمدردی کی بنیاد پر قریب ترین کراچی جناح انٹرنیشنل ایئرپورٹ کے ایئر ٹریفک کنٹرولر سے ایمرجنسی لینڈنگ کی اجازت طلب کی۔ اجازت ملنے پر بوئنگ 737 طیارے نے جناح ایئرپورٹ پر میڈیکل ایمرجنسی لینڈنگ انجام دی۔

یہ بھی پڑھیں: ویرات کوہلی اور انوشکا شرما کے بھارت چھوڑنے کی اصل وجہ سامنے آگئی

طبی امداد کی فراہمی

کراچی ایئرپورٹ پر ڈاکٹرز نے خاتون مسافر کو فوری طبی امداد فراہم کی۔ تاہم، طبیعت زیادہ خراب ہونے کی وجہ سے خاتون مسافر کو میڈیکل ٹیم نے نجی اسپتال منتقل کر دیا۔

پرواز کی موجودہ صورتحال

ایوی ایشن ذرائع کے مطابق، طیارہ کراچی ایئرپورٹ پر موجود ہے اور اگلی پرواز کی تیاری کر رہا ہے۔