تعلیمی ادارے پانچ دن بند رکھنے کا اعلان

بیساکھی میلے کے موقع پر تعلیمی اداروں کی بندش

ننکانہ صاحب(ڈیلی پاکستان آن لائن) بیساکھی میلے کے موقع پر ننکانہ صاحب کی ضلعی انتظامیہ نے تعلیمی ادارے پانچ دن بند رکھنے کا اعلان کر دیا ہے۔

یہ بھی پڑھیں: آسٹریلیا کے ہاتھوں بدترین شکست، روہت شرما اور ویرات کوہلی کا کیرئیر ختم ہوتا دکھائی دینے لگا

سکھ یاتریوں کی آمد

نجی ٹی وی چینل ہم نیوز کے مطابق، ننکانہ صاحب کی ضلعی انتظامیہ نے باقاعدہ نوٹیفکیشن جاری کر دیا ہے۔ بیساکھی میلہ میں شرکت کے لیے بھارت سے سکھ یاتریوں کی ایک بڑی تعداد پاکستان پہنچ چکی ہے۔ انڈیا سے سات ہزار کے قریب سکھ یاتری ننکانہ صاحب پہنچیں گے۔

یہ بھی پڑھیں: میڈیکل اور ڈینٹل کالجز میں ہراسمنٹ سے پاک ماحول کیلیے بڑا قدم اٹھا لیا گیا

بیساکھی میلے کی مرکزی تقریب

پاکستان سمیت دنیا بھر سے بھی ہزاروں سکھ یاتری بیساکھی میلہ میں شرکت کریں گے۔ مرکزی تقریب 14 اپریل کو منعقد ہوگی۔

یہ بھی پڑھیں: 9 مئی مقدمات: عمر ایوب، اسد عمر اور دیگر رہنماؤں کو 30 اکتوبر تک پیش ہونے کا حکم

سیکیورٹی انتظامات

ڈی پی او کی ہدایت پر سکھ برادری کے بیساکھی میلے کا پولیس نے سیکیورٹی پلان جاری کر دیا ہے۔ ترجمان پولیس کے مطابق، 2000 پولیس افسران و جوان سیکیورٹی ڈیوٹی پر مامور ہوں گے۔

اضافی سیکیورٹی فورسز

ضلعی پولیس کے علاوہ، پنجاب کنسٹیبلری فاروق آباد اور دیگر اضلاع سے اضافی نفری بھی طلب کی گئی ہے۔ بیرون ممالک سے آنے والے سکھ یاتری 12 اپریل کو ننکانہ صاحب پہنچیں گے۔