نجکاری کیلئے پی آئی اے،سٹیٹ لائف انشورنس سمیت 10 اداروں کی فہرست فائنل

نجکاری کمیشن کی تازہ ترین پیشرفت

اسلام آباد (ڈیلی پاکستان آن لائن) نجکاری کمیشن نے قومی ایئرلائن اور سٹیٹ لائف انشورنس سمیت 10 اداروں کو نجکاری کیلئے فائنل کرلیا۔

یہ بھی پڑھیں: بھارتی میڈیا کے بغیر ثبوت الزامات مضحکہ خیز، پاکستان کے خلاف میڈیا مہم چلائی جا رہی ہے، ڈی جی آئی ایس پی آر

اجلاس کی تفصیلات

روز نامہ جنگ کے مطابق سینیٹ کی قائمہ کمیٹی برائے نجکاری کا اجلاس سینیٹر افنان اللّٰہ کی زیر صدارت ہوا، جس میں شرکاءکو نجکاری ڈویژن کی جانب سے بریفنگ دی گئی۔

یہ بھی پڑھیں: حکومت نے قومی الیکٹرک وہیکل پالیسی 30-2025 کا باضابطہ اجرا کر دیا

فہرست میں شامل ادارے

نجکاری کمیشن نے اجلاس میں نجکاری کے لئے فہرست میں موجود اداروں کے نام پیش کئے۔ حکام نے بتایا کہ نجکاری والے اداروں کی فہرست کے فیز 1 میں 10 ادارے شامل ہیں، جن کی نجکاری 1 سال میں مکمل کرنی ہے۔

یہ بھی پڑھیں: جنگی جنون کا منہ توڑ جواب، بھارتی پرچم بردار بحری جہازوں کا پاکستانی بندرگاہوں پر داخلہ بند کردیا گیا

فیز 1 کی تفصیلات

حکام کے مطابق فیز 1 کی فہرست میں قومی ایئرلائن، سٹیٹ لائف انشورنس، یوٹیلیٹی سٹورز کارپوریشن اور فرسٹ ویمن بینک شامل ہیں۔

دیگر شامل ادارے

نجکاری کمیشن کی فہرست میں شامل اداروں میں آئیسکو، فیسکو، گیپکو، ہاﺅس بلڈنگ فنانس بھی شامل ہیں۔ حکام کے مطابق اداروں کی نجکاری کیلئے فائنل کی گئی فیز 1 کی فہرست میں پی ایم ڈی سی شامل نہیں ہے.