پنجاب کے 170 محکموں میں سرکاری ادائیگیوں کیلیے آن لائن بلنگ سلوشن متعارف کروا دیا گیا

پنجاب میں آن لائن بلنگ سلوشن کا آغاز

لاہور (ڈیلی پاکستان آن لائن) پنجاب کے 170 محکموں میں سرکاری ادائیگیوں کے لیے آن لائن بلنگ سلوشن متعارف کروا دیا گیا۔

یہ بھی پڑھیں: کسٹمز میں بڑے پیمانے پر بے ضابطگیوں اور ٹیکس چوری کا انکشاف، 100 ارب روپے کا نقصان

ڈیجیٹل تبدیلی کا اہم اقدام

تفصیلات کے مطابق اکاؤنٹنٹ جنرل پنجاب (اے جی آفس) نے ڈیجیٹل تبدیلی کی جانب اہم قدم اٹھاتے ہوئے پنجاب حکومت کے 170 سے زائد محکموں کے لیے آن لائن بلنگ سلوشن (OLBS) کامیابی سے نافذ کر دیا ہے۔

یہ بھی پڑھیں: ویڈیو: سوزوکی نے اپنی گاڑی فرنکس پاکستان میں متعارف کروادی، مہنگی گاڑیوں کی چھٹی، ایک لیٹر میں ہائبرڈ گاڑی سے بھی زیادہ سفر!!

منصوبے کا مقصد

یہ اقدام عوامی مالیاتی نظم و نسق کو جدید بنانے میں ایک اہم سنگِ میل ہے جو شفافیت، جوابدہی اور کارکردگی کو فروغ دیتا ہے۔

یہ بھی پڑھیں: پب میں لڑائی چھڑواتے ہوئے ایسا کام ہو گیا کہ لڑکی کی زندگی ہی بدل گئی

تربیتی سیشن کی تفصیلات

منصوبے کا آغاز لاہور سے کیا گیا، جہاں پنجاب حکومت کے 170 سرکاری محکموں کو آن لائن بلنگ سلوشن (OLBS) پر عملی تربیت فراہم کی گئی۔ یہ تربیت محترمہ فائقہ خورشید، ایڈیشنل اے جی (پے رولز)، اے جی پنجاب کی نگرانی میں دی گئی، جبکہ تربیتی سیشن کی قیادت محترمہ اقصیٰ لوڌی، ڈپٹی اے جی (ایم آئی ایس) نے کی۔

کامیاب محکمے

لاہور میں جن بڑے محکموں نے آن لائن بلنگ سلوشن پر کامیابی سے منتقلی کی اُن میں ہوم ڈیپارٹمنٹ، سروسز و جنرل ایڈمنسٹریشن ڈیپارٹمنٹ، فنانس ڈیپارٹمنٹ، ڈی آئی جی آپریشنز اور آئی جی آفس لاہور شامل ہیں۔