وزارت داخلہ نے 53 ہزار پاکستانیوں کے پاسپورٹس بلاک کردیے

وزارت داخلہ کی کارروائی

لاہور(ڈیلی پاکستان آن لائن) وزارت داخلہ نے 53 ہزار پاکستانیوں کے پاسپورٹس بلاک کر دیے ہیں۔ ہم نیوز کے مطابق زیادہ تر پاکستانی شہریوں کو رواں برس مختلف ممالک سے ملک بدر کیا گیا تھا۔ ان پاکستانی شہریوں پر "ڈونکی" لگا کر ملک سے باہر جانے کا الزام ہے۔

یہ بھی پڑھیں: عمران خان سے ملاقات کے لیے اڈیالہ جیل جانے والے پی ٹی آئی رہنماؤں اور فیملی ممبران کو پولیس نے تحویل میں لے لیا

بیرون ملک غیر قانونی سفر

غیر قانونی بیرون ملک جانے والے پاکستانیوں کو پچھلے چھ ماہ کے دوران واپس وطن بھیجا گیا۔ 45 ہزار پاکستانی سعودی عرب، متحدہ عرب امارات، بحرین اور قطر سے جلاوطن کیے گئے۔

یہ بھی پڑھیں: تعلیم عام کرنے کا فائدہ یہ بھی ہو گا کہ عوام میں سیاسی شعور، بنیادی شہری و جمہوری حقوق کی شناخت پیدا ہو گی،غلط اور صحیح میں تمیز کرنے میں آسانی ہو گی

کشتی حادثات اور گرفتاریوں کی تفصیلات

چار سو سے زائد پاکستانی شہری چار کشتی حادثوں میں پچھلے دو سال میں جان کی بازی ہار چکے ہیں۔ تقریبا چار ہزار "ڈونکی" لگانے والے پاکستانیوں کو ایران بارڈر پر گرفتار کیا گیا تھا۔ ایف آئی اے حکام نے ان مسافروں کی تفصیلات پاسپورٹ اینڈ امیگریشن حکام کو فراہم کی تھیں۔ "ڈونکی" لگانے والے 1500 شہری مختلف جیلوں میں قید ہیں۔

یہ بھی پڑھیں: سوڈان میں پیرا ملٹری فورس کا گاؤں پر حملہ، 124 افراد ہلاک، 100 زخمی

قانونی کاروائیاں اور بین الاقوامی مدد

غیر ممالک کا غیر قانونی سفر کرنے والے 3 ہزار مسافروں کیخلاف مقدمات درج کیے گئے ہیں۔ ایف آئی اے نے انتہائی مطلوب انسانی سمگلرز کو واپس لانے کیلئے بھی انٹرپول کو لکھ دیا ہے۔ پچاس انتہائی مطلوب انسانی سمگلرز کی واپسی کیلئے سات ممالک کو تین درجن باہمی ایم ایل اے ارسال کیے گئے ہیں۔

عالمی سطح پر اقدامات

ایف آئی اے نے ایران، سعودی عرب، اٹلی، عمان، یواے ای، یونان اور سپین میں اپنے لنک دفاتربھی کھولنے کا فیصلہ کیا ہے۔