پی ایس ایل: کراچی کنگز نے متبادل کھلاڑیوں کا اعلان کردیا

کراچی کنگز نے نئے کھلاڑیوں کی شمولیت کا اعلان کیا

کراچی (ڈیلی پاکستان آن لائن) کراچی کنگز نے ایچ بی ایل پاکستان سپر لیگ (پی ایس ایل) سیزن 10 کے لئے 2 کھلاڑیوں کو سکواڈ میں شامل کرلیا۔

یہ بھی پڑھیں: وزیراعظم کو سب سے پہلے سے معلوم ہوتا ہے، تنخواہوں میں اضافے کی تجویز مسترد کرنے کے بعد مفتاح اسماعیل نے اندر کی بات ظاہر کردی

نئے کھلاڑیوں کا تعارف

نجی ٹی وی جیو نیوز کے مطابق آسٹریلوی وکٹ کیپر بیٹر بین میکڈرموٹ اور پاکستان انڈر 19 کے کپتان سعد بیگ ٹیم کا حصہ بن گئے ہیں۔ بین میکڈرموٹ کو بنگلہ دیش کے لِٹن داس کی جگہ شامل کیا گیا ہے، جنہیں ایچ بی ایل پی ایس ایل پلیئرز ڈرافٹ 2025 میں سلور کیٹیگری میں منتخب کیا گیا تھا مگر کراچی کنگز کے پہلے میچ سے قبل پریکٹس کے دوران انجری کا شکار ہو کر ایونٹ سے باہر ہو گئے تھے۔

یہ بھی پڑھیں: عمران خان نے ذہنی طور فیصلہ کر لیا ہے کہ وہ جیل میں رہ لیں گے مگر سمجھوتہ نہیں کریں گے، نجم سیٹھی

بین میکڈرموٹ کی شاندار قابلیت

میکڈرموٹ ایک جارح مزاج بیٹر ہیں جو اپنے تیز رفتار سٹروک پلے اور مختلف پوزیشنز پر کھیلنے کی صلاحیت کے لئے جانے جاتے ہیں۔ وہ ٹی ٹوئنٹی فارمیٹ کا وسیع تجربہ رکھتے ہیں اور دنیا بھر کی لیگز میں کھیل چکے ہیں جن میں بگ بیش لیگ (BBL) اور دی ہنڈریڈ شامل ہیں۔

یہ بھی پڑھیں: وہ ملک جس کو ایشیا کی بہترین سیاحتی منزل قرار دے دیا گیا، یہ دبئی نہیں بلکہ۔۔۔

سعد بیگ کی شمولیت

اس کے علاوہ کراچی کنگز نے نیوزی لینڈ کے کین ولیمزن کے جزوی متبادل کے طور پر پاکستان انڈر 19 کے کپتان اور وکٹ کیپر بیٹر سعد بیگ کو بھی سکواڈ میں شامل کیا ہے۔ ولیمزن جنہیں سپلیمنٹری کیٹیگری میں منتخب کیا گیا تھا، وہ ٹورنامنٹ کے کراچی مرحلے کے دوران دستیاب نہیں ہوں گے۔

سعد بیگ کی کارکردگی

سعد بیگ گزشتہ سیزن میں ایمرجنگ کیٹیگری کے کھلاڑی کے طور پر کراچی کنگز کا حصہ رہے اور حالیہ آئی سی سی انڈر 19 ورلڈ کپ میں اپنی شاندار کارکردگی سے خود کو ایک روشن مستقبل کا حامل نوجوان کھلاڑی ثابت کیا۔