سعودی عرب، ریاض اور مضافات میں ریت کا طوفان، حدنگاہ انتہائی کم

ریاض میں طوفانی ہواوں کا اثر

ریاض (آئی این پی) سعودی عرب کے دارالحکومت ریاض اور اس کے مضافات کو ریت کے طوفان نے لپیٹ میں لے لیا ہے۔ عرب نشریاتی ادارے کی رپورٹ کے مطابق، انتہائی تیز ہوائوں نے دارالحکومت کے علاقے میں شدید گرد و غبار پھیلادیا ہے۔

یہ بھی پڑھیں: مریم نواز نے آئینہ دکھایا تو فتنہ پارٹی کے چمچے کڑچھے طیش میں آگئے ہیں: عظمیٰ بخاری

کہیں نظرانداز نہ کریں

ریت کے اس طوفان نے اسکائی لائن کو گرد و غبار کے بادلوں سے ڈھانپ دیا ہے، جس کے نتیجے میں حد نگاہ انتہائی کم ہو گئی ہے۔ روڈ سیفٹی سے متعلق سعودی اتھارٹی اور سعودی ہائی وے سکیورٹی نے شہریوں کو طوفانی صورت حال میں گاڑی چلانے کے لیے انتباہ کیا ہے کہ وہ سڑکوں پر انتہائی احتیاط سے چلیں۔

یہ بھی پڑھیں: علی امین گنڈاپور کہاں ہیں؟ صحافی کا محسن نقوی سے دلچسپ سوال

شہری دفاع کی ہدایات

سعودی عرب میں شہری دفاع سے متعلق ادارے جنرل ڈائریکٹوریٹ آف سول ڈیفنس نے شہریوں کو ہدایت کی ہے کہ وہ طوفان کے ختم ہونے تک ریت والے علاقوں میں جانے سے گریز کریں۔ مزید برآں، محکمہ موسمیات کی طرف سے ملنے والی اطلاعات اور رہنمائی کے مطابق باہر نکلنے کا فیصلہ کریں۔ سرکاری محکموں کی رپورٹس کے مطابق، اس طوفان کی وجہ سے سمندری لہریں 1.5 میٹر سے 3 میٹر تک کی بلندی کو پہنچ سکتی ہیں۔

موسمی پیش گوئی

بتایا گیا ہے کہ خلیج عرب میں یہ تیز ہوائیں شمال مشرق سے شمال مغرب کی طرف چل رہی ہیں۔ علاوہ ازیں، مملکت کے کئی حصوں میں گرد و غبار سے بھرے طوفان کی پیش گوئی بھی کی گئی تھی۔ قومی مرکز برائے موسمیات کی طرف سے کی گئی پیش گوئی میں کہا گیا ہے کہ مکہ مکرمہ، ریاض، قسیم میں اولے پڑنے اور مشرقی و شمالی سرحدی علاقوں میں گرج چمک کے ساتھ بارش، اولوں اور گرد آلود ہوائیں چلنے کا امکان ہے۔